Делегацијата на Државната изборна комисија на Туркменистан, предводена од заменик претседателот на Комисијата, господин Оразмурад  Најазлиев, во рамките на студискиот престој во Република Македонија, на 28 јули ќе престојува во работна посета на Државната изборна комисија на Република Македонија. При тоа, претседателот, господин Александар Новакоски и членовите на Државната изборна комисија  ќе ги запознаат  гостите со изборниот процес, процедурите и техниките на гласање, информирањето и техниките за пренесување и објавување на податоците од гласањето во Република Македонија.