Државната изборна комисија,  на 95 – та седница оддржана на 21 јули и 22 јули 2011 година, донесе Одлука за исплата на надоместокот на Општинските изборни комисии и Одлука за исплата на надоместокот за членовите на изборната администрација, лицата времено ангажирани за изборен процес во помошните тела на Државната изборна комисија и за други лица времено ангажирани за изборен процес по налог на Државната изборна комисија за Предвремените избори за пратеници во Собранието на Република Македонија одржани на 5 јуни 2011 година.

Исплатата ќе се реализира во наредниве денови, сукцесивно, според техничките можности, поединечно на трансакциони сметки на корисниците.

Државната изборна комисија на 22 јуни (среда) 2011 година, во седиштето на Комисијата ќе ги врачи уверенијата за избрани пратеници во Собранието на Република Македонија на избраните пратеници, и тоа:

• на избраните пратеници од листите на кандидати на ВМРО - ДПМНЕ во коалиција со други партии, во периодот од 11:00 до 12:30 часот;
• на избраните пратеници од листите на кандидати на СДСМ во коалиција со други партии, во периодот од 12:30 до 13:30 часот;
• на избраните пратеници од листите на кандидати на ДУИ, во периодот од 13:30 до 14:00 часот;
• на избраните пратеници од листите на кандидати на ДПА, во периодот од 14:00 до 14:30 часот и
• на избраните пратеници од листите на кандидати на НДП, во периодот од 14:30 до 14:45 часот.