Komisioni Shtetëror i Zgjedhjeve mbajti seancën e tij të 10-të, në të cilën miratoi Vendimin për obligimin e komisioneve komunale të zgjedhjeve (KKZ) për kryerjen e kompetencave të tyre ligjore të përcaktuara në nenin 37 paragrafi 1, në lidhje me nenin 88 paragrafët 4 dhe 5 të Kodit Zgjedhor, Rregullores për kriteret për përcaktimin e kompensimit për anëtarët e organeve zgjedhore, administratën zgjedhore dhe personat e angazhuar me urdhëresë të KSHZ-së për organizimin dhe zbatimin e procesit zgjedhor të datës 14.11.2025 dhe Rregullores për plotësimin e Rregullores për kriteret për përcaktimin e kompensimit për anëtarët e organeve zgjedhore, administratën zgjedhore dhe personat e angazhuar me urdhëresë të KSHZ-së për organizimin dhe zbatimin e procesit zgjedhor të datës 23.04.2026, deri në zgjedhjen dhe formimin e përbërjeve të tyre të reja.
Duke pasur parasysh se mandati i komisioneve komunale të zgjedhjeve aktuale ka skaduar, ky vendim miratohet me qëllim të parandalimit të çfarëdo bllokade apo pengese administrative në funksionimin e tyre të përditshëm. Në këtë kuadër, angazhimi i mëtejshëm i përbërjeve ekzistuese të KKZ-ve kryesisht do të ketë të bëjë me zbatimin e aktiviteteve të mbetura të domosdoshme pas përfundimit të Zgjedhjeve Lokale të vitit 2025 (pagesa e kompensimeve), si dhe me veprimin urgjent dhe marrjen e kompetencave përkatëse në rastet kur anëtarit të këshillit të komunës i ndërpritet ose i hiqet mandati për shkaqe të përcaktuara me Ligjin për vetëqeverisje lokale dhe Kodin Zgjedhor.
Përveç kësaj, në kuadër të rendit të miratuar të ditës, Komisioni Shtetëror i Zgjedhjeve njëzëri miratoi edhe Vendimin për plotësimin e Planit vjetor për nevojat e përgjithshme për prokurime publike në vitin 2026, i dedikuar për nevojat e Sektorit për çështje juridike, për furnizimin e vulave dhe vulave katrore të reja të zyrës.
KOMISIONI SHTETËROR I ZGJEDHJEVE
