Sipas nenit 20 të Udhëzimit për mënyrën dhe procedurën e parashtrimit, pranimit dhe vërtetimit të listave të kandidatëve për zgjedhjet lokale të vitit 2025, Nr. 08-1701/1, datë 17.08.2025, të miratuar nga Komisioni Shtetëror i Zgjedhjeve, çdo listë e veçantë kandidatësh e parashtruar nga një grupi votuesish duhet të ketë siguruar NVT të veçantë dhe të ketë të hapur llogari transaksioni të veçantë për fushatën zgjedhore.

KOMISIONI SHTETËROR I ZGJEDHJEVE

Prokurori Publik i Republikës së Maqedonisë së Veriut, Lupço Kocevski, dhe kryetari i Komisionit në Prokurorinë Publike për Ndjekjen e Parregullsive të Mundshme Zgjedhore, Xhelal Bajrami, sot realizuan takim me Delegacionin e Komisionit Shtetëror të Zgjedhjeve (KSHZ) i përbërë nga Kryetari Boris Kondarko, Nënkryetari Abdush Demiri dhe anëtarët Svetllana Karapetrova dhe Aleksandar Dashtevski.

Të dy institucionet ranë dakord të forcojnë koordinimin ndërinstitucional brenda kompetencave të veta ligjore për organizimin dhe ndjekjen e procesit zgjedhor në zgjedhjet e ardhshme lokale.

Prokuroria Publike dhe Komisioni Shtetëror i Zgjedhjeve po punojnë me përkushtim për t’i siguruar të gjitha kushtet për procesin zgjedhor të drejtë dhe efikas.

Prokurori Publik Kocevski i informoi përfaqësuesit e KSHZ-së se Kolegjiumi i Prokurorisë Publike të RMV-së ka miratuar konkluzionin edhe për këtë proces zgjedhor që të themelohet komisioni i përkohshëm, i ngarkuar të ndjekë veprimin lidhur me parregullsitë e mundshme zgjedhore që lidhen me ekzistimin e veprave penale sipas Kapitullit 16 të Kodit Penal – Veprat penale kundër zgjedhjeve dhe votimit, si dhe veprat e tjera penale që mund të jenë kryer gjatë organizimit dhe zbatimit të zgjedhjeve.

Komisioni do të ketë për detyrë që në bazë ditore t’i ndjekë të gjitha ngjarjet në shtet që lidhen me procesin e organizimit dhe zbatimit të zgjedhjeve lokale. Për ato ngjarje të cilat do të vlerësohen se japin indikacione për parregullsitë e kryera të mundshme zgjedhore, njoftimet menjëherë do t’i përcillen prokurorisë publike themelore përkatëse. Në të njëjtën kohë, do t’u jepen detyra prokurorive publike themelore që të veprojnë urgjentisht, përkatësisht të iniciojnë lëndë dhe t’i ndërmarrin të gjitha veprimet për t’i konstatuar të gjitha faktet relevante nga të cilat varet zbatimi i drejtë i Kodit Penal.

Kryetar i Komisionit është caktuar Xhelal Bajrami, prokuror publik në Prokurorinë Publike të Republikës së Maqedonisë, ndërsa në Komision do të jenë anëtarë edhe nga një prokuror publik nga të gjitha prokuroritë publike supreme, si dhe një prokuror publik nga Prokuroria Publike Themelore në Shkup, si prokuroria themelore që mbulon zonën më të madhe. Publiku, organizatat civile, organizatat e tjera, partitë politike, institucionet vendase dhe ndërkombëtare dhe të gjithë që konsiderojnë se në ndonjë procedurë ka indikacione për kryerjen e veprës penale në lidhje me procesin zgjedhor, do të mund të dorëzojnë parashtresë/fletëparaqitje në Komisionin për Ndjekjen e Parregullsive Zgjedhore në adresën elektronike [email protected], e cila do të jetë aktive edhe për këtë proces zgjedhor.

KOMISIONI SHTETËROR I ZGJEDHJEVE

Kryetari i Komisionit Shtetëror të Zgjedhjeve, Boris Kondarko, në hapësirat e KSHZ-së u takua me shefin e seksionit politik dhe ekonomik të Ambasadës së Shteteve të Bashkuara të Amerikës në Republikën e Maqedonisë së Veriut, Dejvid Maers.

Në takim u bisedua për gatishmërinë e KSHZ-së për zbatimin e Zgjedhjeve lokale si dhe për njoftim në lidhje me ecurinë e aktiviteteve që ndërmerren në përputhje me kompetencat ligjore dhe afatet.

Kryetari i KSHZ-së e informoi përfaqësuesin e Ambasadës së SHBA-ve në Maqedoninë e Veriut për veprimet që KSHZ-i ndërmerr në drejtim të zbatimit të zgjedhjeve të drejta dhe demokratike dhe sugjeroi në përpjekjet që bëhen për parandalimin e realizimit të procesit zgjedhor. Gjatë kësaj, u theksua që KSHZ është i përgatitur për t’u përgjigjur ndaj të gjitha sfidave si dhe që mban bashkëpunim të mirë ndërinstitucional me institucionet kompetente me qëllim të procesit zgjedhor të organizuar me sukses.

KOMISIONI SHTETËROR I ZGJEDHJEVE

Komisioni Shtetëror i Zgjedhjeve në çdo zgjedhje mban takime të rregullta pune me Ministrinë e Punëve të Brendshme për të gjitha çështjet që kanë të bëjnë me kompetencat ligjore konkrete të secilit prej institucioneve në procesin zgjedhor dhe për përcaktimin e mënyrave të komunikimit zyrtar dhe për koordinimin e ndërsjellë dhe organizimin gjatë zbatimit të zgjedhjeve në pjesën e kompetencave të tyre.

Komisioni Shtetëror i Zgjedhjeve dhe Ministria e Punëve të Brendshme do t’i ndërmarrin të gjitha obligimet ligjore me qëllim të realizimit të papenguar dhe me kohë të të gjitha veprimeve zgjedhore në interes të besimit dhe transparencës së zgjedhjeve.
MPB-ja, në përputhje me autorizimet e veta, me kërkesë të KSHZ-së, do të ofrojë mbështetjen e nevojshme për aktivitetet e organeve zgjedhore dhe për sigurimin e materialit zgjedhor, ndërsa sipas vlerësimit të KSHZ-së edhe mbështetje tjetër të përshtatshme.

KOMISIONI SHTETËROR I ZGJEDHJEVE

Komisioni Shtetëror i Zgjedhjeve i njofton radiodifuzerët, mediat e shtypit dhe mediat elektronike (portalet e internetit), të cilat do të sigurojnë reklamim të paguar politik për pjesëmarrësit në fushatën zgjedhore në Zgjedhjet për anëtarë të këshillave të komunave dhe këshillit të qytetit të Shkupit dhe për kryetarë të komunave dhe kryetar të qytetit të Shkupit në vitin 2025, se janë të obliguar të regjistrohen në Komisionin Shtetëror të Zgjedhjeve, në afat prej 3 ditëve nga dita e shpalljes së zgjedhjeve.

Radiodifuzerët, mediat e shkruara dhe mediat elektronike (portalet e internetit) dorëzojnë në Komisionin Shtetëror të “Kërkesë për regjistrim në regjistrin për radiodifuzerë, media të shtypit dhe media elektronike (portalet e internetit) për Zgjedhjet për anëtarë të këshillave të komunave dhe këshillit të qytetit të Shkupit dhe për kryetarë të komunave dhe kryetar të qytetit të Shkupit në vitin 2025”, detyrimisht të bashkangjitur në shtojcë gjendjen rrjedhëse të lëshuar nga Regjistri Qendror i Republikës së Maqedonisë së Veriut jo më të vjetër se 30 ditë.

Kërkesat për regjistrim me gjendjen rrjedhëse të bashkangjitur parashtrohen në mënyrë elektronike në adresën elektronike: [email protected] ose në arkivin e KSHZ-së në bulev.”Kirili dhe Metodi” nr.54, 1000 Shkup (jo më vonë se ora 24:00 më datë 12 gusht 2025).
Në bazë të kërkesave të dorëzuara për regjistrim, Komisioni Shtetëror i Zgjedhjeve do të përgatisë “Regjistër të radiodifuzerëve, mediave të shtypit dhe mediave elektronike (portalet e internetit) për Zgjedhjet për anëtarë të këshillave të komunave dhe këshillit të qytetit të Shkupit dhe për kryetarë të komunave dhe kryetar të qytetit të Shkupit në vitin 2025” të cilat do të ofrojnë shërbime për reklamim të paguar politik gjatë Zgjedhjeve për anëtarë të këshillave të komunave dhe këshillit të qytetit të Shkupit dhe për kryetarë të komunave dhe kryetar të qytetit të Shkupit në vitin 2025. Regjistri me kërkesat e parashtruara dhe të pranuara për regjistrim në regjistrin për radiodifuzerë, media të shtypit dhe media elektronike (portalet e internetit ) për Zgjedhjet për anëtarë të këshillave të komunave dhe këshillit të qytetit të Shkupit dhe për kryetarë të komunave dhe kryetar të qytetit të Shkupit në vitin 2025 do të publikohet në ueb faqen e Komisionit.

Radiodifuzerët, mediat e shtypit dhe mediat elektronike (portalet e internetit) janë të obliguar që në afat prej pesë ditësh nga dita e shpalljes së zgjedhjeve të përcaktojnë listat e çmimeve për reklamim të paguar politik për pjesëmarrësit në procesin zgjedhor (jo më vonë se data 14 gusht 2025 deri në ora 24:00).

Radiodifuzerët dhe mediat e shtypit janë të obliguar që listat e çmimeve për reklamim të paguar politik për çdo media veçmas t’i aplikojnë edhe gjatë fushatës zgjedhore dhe në këtë rast çmimi mesatar (mesatarja aritmetrike) për sekondë për një ditë dhe natë i fituar sipas periudhave të ndryshme të çmimeve dhe reklamave si më poshtë: Periudha 1 – nga ora 00:00 deri në ora 08:00, Periudha 2 – nga ora 08:00 deri në ora 16:00 dhe Periudha 3 – nga ora 16:00 deri në ora 24:00 për radiodifuzerët për reklamim të pagaur politik, si dhe çmimi i qirasë për hapësiën reklamuese në median e shtypit nuk duhet të tejkalojë çmimin e përgjithshëm mesatar të reklamimit të çdo radiodifuzeri të llogaritur veçmas në pesë ciklet e fundit zgjedhore të mbajtura në nivelin e gjithë territorit të shtetit, edhe atë Zgjedhjet për President të Republikës së Maqedonisë së Veriut në vitin 2024, Zgjedhjet për deputetë në kuvendin e Republikës së Maqedonisë së Veriut në vitin 2024, Zgjedhjet për anëtarë të këshillave komunalë dhe këshillit të Qytetit të Shkupit dhe për kryetarë të komunave dhe kryetar të Qytetit të Shkupit në vitin 2021, Zgjedhjet e parakohshme për deputetë të Kuvendit të Republikës së Maqedonisë së Veriut në vitin 2020, Zgjedhjet për President të Republikës së Maqedonisë së Veriut në vitin 2019, ndërsa për mediat elektronike (portalet e internetit) çmimi i huazimit me pagesë për hapësirën reklamuese në portalin e internetit për reklamim të paguar politik nuk duhet të tejkalojnë çmimin mesatar të reklamimit të llogaritur për pesë ciklet e fundit zgjedhore.

Për radiodifuzerët, mediat e shtypit dhe mediat elektronike (portalet e internetit) që nuk kanë marrë pjesë në të gjitha 5 ciklet e kaluara zgjedhore, çmimi për reklamim të paguar politike nuk mund të tejkalojë çmimin mesatar të reklamimit të llogaritur në pesë ciklet e fundit zgjedhore në përputhje me Udhëzimin për mënyrën dhe procedurën e vërtetimit të çmimit të arritur mesatar për reklamim të paguar politik për radiodifuzerët, mediat e shtypit dhe portalet elektronike (internet portalet) që nuk kanë marrë pjesë në pesë ciklet e fundit zgjedhore të miratuar nga Komisioni Shtetëror i Zgjedhjeve me nr.08-441/1 nga 14.02.2024.

Komisioni Shtetëror i Zgjedhjeve është i obliguar që t’i konfirmojë dhe publikojë në ueb faqen e tij listat e dorëzuara të çmimeve me çmimet e llogaritura mesatare të verifikuara nga radiodifuzerët dhe mediat e shtypit, si dhe t’i publikojë listat e çmimeve me çmimet e verifikuara nga mediat elektronike (portalet e internetit), në pajtim me nenin 75-gj paragrafi (3) dhe (9) të Kodit Zgjedhor, në afat prej 10 ditësh nga skadimi i afatit për dorëzimin e listave të çmimeve të përcaktuara në paragrafin (3) të këtij neni.
Nëse Komisioni Shtetëror i Zgjedhjeve konstaton parregullsi në listat e çmimeve të radiodifuzerëve dhe mediave të shtypit, e njofton median përkatëse që brenda 72 orëve nga marrja e njoftimit të bëjnë korrigjimin e listës së çmimeve.

Arkiva e Komisionit Shtetëror të Zgjedhjeve do të bëjë pranimin e kërkesave për regjistrim në Regjistrin për radiodifuzerë, media të shtypit dhe media elektronike (internet portale) më datë 12.08.2025 (e martë), deri në orën 24:00.

Shënim: Do të merren parasysh vetëm kërkesat për regjistrim në Regjistër të dërguara ekskluzivisht në adresën e-mail të lartpërmendur [email protected] ose në arkivin e Komisionit Shtetëror të Zgjedhjeve.”

KOMISIONI SHTETËROR I ZGJEDHJEVE

Komisioni Shtetëror i Zgjedhjeve, me datë 09.08.2025, me fillim në ora 17:00, mbajti mbledhjen e 128-të, në të cilën u shqyrtuan dhe njëzëri u miratuan dymbëdhjet pika të rendit të ditës lidhur me përgatitjet për realizimin e Zgjedhjeve Lokale 2025, dhe atë:

1. Kalendari i afateve për realizimin e veprimeve zgjedhore për zgjedhjet e ardhshme lokale;
2. Udhëzim për mënyrën dhe procedurën për përcaktimin e çmimit mesatar dhe më të ulët për reklamim politik të paguar për mediat që nuk kanë marrë pjesë në pesë ciklet e fundit zgjedhore;
3. Udhëzim për mënyrën e realizimit të mjeteve nga Komisionet Komunale Zgjedhore;
4. Konkluzion për shfuqizimin e Rregullores ekzistuese për procedurën për mbledhjen e nënshkrimeve dhe përcaktimin e noterëve;
5. Vendim për nevojën e formimit të trupave ndihmëse të Komisionit për realizimin e aktiviteteve zgjedhore;
6. Vendim për përcaktimin e shpenzimeve për realizimin e zgjedhjeve;
7. Formular për automjetet zyrtare, i dorëzuar nga Komisioni Shtetëror për Parandalimin e Korrupsionit;
8. Kërkesë drejtuar Ministrisë së Punëve të Brendshme për të dhëna për përditësimin e Listës Zgjedhore;
9. Njoftim për mediat për regjistrim për reklamim politik të paguar në KSHZ;
10. Konkluzione për dorëzimin e akteve te institucionet përkatëse, duke përfshirë:
    • Kërkesa për të dhëna nga administrata publike,
    • Kërkesa nga gjykatat për personat me aftësi të kufizuara juridike,
    • Njoftime për vetëqeverisjen lokale për sigurimin e kushteve teknike;
11. Detyrim për Komisionet Komunale Zgjedhore për fillimin e përgatitjeve për zgjedhje;
12. Informim mbi procesin e vëzhgimit të Zgjedhjeve Lokale 2025;
13. Të ndryshme.
    Komisioni Shtetëror i Zgjedhjeve mbetet i përkushtuar për një proces zgjedhor të drejtë, transparent dhe në përputhje me ligjin, dhe u bën thirrje të gjitha palëve të përfshira – institucioneve, mediave, subjekteve politike dhe qytetarëve – që të kontribuojnë për realizimin e suksesshëm të zgjedhjeve lokale të ardhshme.

KOMISIONI SHTETËROR I ZGJEDHJEVE

Komisioni Shtetëror i Zgjedhjeve (KSHZ) i bashkohet festimit të Ditës Globale të Zgjedhjeve, e cila tradicionalisht festohet çdo të enjte të parë të shkurtit. Kjo ditë i kushtohet nënvizimit të rëndësisë së proceseve zgjedhore si themeli i demokracisë dhe promovimit të standardeve zgjedhore në mbarë botën.

Zgjedhjet janë themeli i demokracisë dhe të gjitha organet zgjedhore theksojnë në mënyrë të duhur rëndësinë e kësaj dite, duke theksuar rëndësinë e proceseve zgjedhore transparente, të drejta dhe të besueshme.

Si autoriteti më i lartë për organizimin dhe zhvillimin e zgjedhjeve në Republikën e Maqedonisë së Veriut, KSHZ-ja në vazhdimësi kontribuon në imazhin dhe reputacionin pozitiv të vendit, duke forcuar proceset demokratike duke i zhvilluar zgjedhjet në përputhje me legjislacionin vendas dhe standardet më të larta ndërkombëtare.

Ky vit është vit zgjedhor dhe KSHZ-ja tashmë është duke i bërë të gjitha përgatitjet e nevojshme për realizimin e zgjedhjeve të ardhshme lokale. Në këtë proces, Komisioni bashkëpunon me aktorë të ndryshëm, përfshirë institucionet shtetërore, partitë politike, organizatat e shoqërisë civile, mediat dhe partnerët ndërkombëtarë, për të siguruar një proces zgjedhor gjithëpërfshirës dhe të besueshëm.

Me këtë rast, KSHZ-ja shpreh mirënjohjen për të gjithë bashkëpunëtorët të cilët me përkushtimin e tyre kontribuojnë në organizimin e suksesshëm të zgjedhjeve. Besojmë se bashkëpunimi i mëtejshëm korrekt dhe profesional do të vazhdojë edhe në të ardhmen.

KOMISIONI SHTETËROR I ZGJEDHJEVE

Komisioni Shtetëror i Zgjedhjeve njofton opinionin për takimin e djeshëm të Kryetarit të KSHZ-së, Boris Kondarko, me Vanesa Bordo Flanes, bashkëpunëtore për marrëdhënie me publikun nga Ambasada e Shteteve të Bashkuara të Amerikës, Kelli R. Mekelejb, nëpunëse politike nga Ambasada e SHBA-së, dhe Ejmi Koen, drejtoreshë ekzekutive e Shoqatës Kombëtare të Drejtorëve Shtetëror të Zgjedhjeve të SHBA-së

Në takim janë shkëmbyer përvojat dhe përshtypjet nga vëzhgimi i zgjedhjeve presidenciale në SHBA nga delegacioni i KSHZ-së që ishte i pranishëm në zgjedhjet në SHBA.

Përfaqësuesit u njoftuan për aktivitetet aktuale, angazhimet dhe kompetencat ligjore të KSHZ-së për funksionimin e mëtutjeshëm dhe avancimin e proceseve zgjedhore. KSHZ-ja shpreh mirënjohjen e saj për bashkëpunimin e suksesshëm të deritanishëm dhe për mundësinë e shkëmbimit të përvojave që kontribuojnë në forcimin e standardeve demokratike.

KOMISIONI SHTETËROR I ZGJEDHJEVE

Kryetari i Komisionit Shtetëror të Zgjedhjeve, Boris Kondarko dhe anëtarët e Komisionit Shtetëror të Zgjedhjeve sot u takuan me përfaqësues të ODIHR-it si pjesë e agjendës së tyre për takime me të gjithë aktorët relevantë në organizimin dhe zhvillimin e zgjedhjeve në Maqedoninë e Veriut.

Në takim, anëtarët e KSHZ-së me përfaqësuesit e ODIHR-it diskutuan për Raportin e misionit vëzhgues ndërkombëtar për zgjedhjet në Republikën e Maqedonisë së Veriut, për Zgjedhjet Presidenciale dhe Parlamentare 2024. Përmes analizës së pjesëve të Raportit që referohen punës së KSHZ-së dhe organeve zgjedhore, është konstatuar se nuk ka rekomandime konkrete për punën e KSHZ-së, përkatësisht se zgjedhjet janë zhvilluar në mënyrë të ligjshme dhe transparente, dhe siç është konstatuar në Raport, administrata zgjedhore gëzonte besimin e opinionit për punën dhe kapacitetin e saj. Është konstatuar se rekomandimet i referohen dobësive sistematike të rregullores zgjedhore, për të cilat KSHZ-ja si edhe deri më tani do të marrë pjesë aktive në procesin e përmirësimit të Kodit Zgjedhor dhe do të angazhohet për zbatimin e plotë të rekomandimeve nga Raporti.

Përfaqësuesit e pranishëm ranë dakord që si bazë për bashkëpunim të mëtejshëm, duhet të merren parasysh gjetjet për zbatimin e rekomandimeve të misionit vëzhgues të OSBE/ODIHR dhe të bëhen përpjekje të vazhdueshme për zhvillimin e procesit zgjedhor.

Të dyja palët konkluduan se zgjedhjet presidenciale dhe parlamentare u zhvilluan me sukses dhe shprehën mirënjohjen për bashkëpunimin e ndërsjellë dhe të hapur për zhvillimin e procesit zgjedhor në të ardhmen.

KOMISIONI SHTETËROR I ZGJEDHJEVE