Në seancë, KSHZ-ja miratoi Konkluzionin për shpalljen e rezultateve përfundimtare dhe shpërndarjen e mandateve sipas njësive zgjedhore për zgjedhjen e deputetëve në Kuvendin e Republikës së Maqedonisë së Veriut nga zgjedhjet e mbajtura për deputetë në Kuvendin e Republikës së Maqedonisë së Veriut, të mbajtura më 8 maj 2024.

Pasi që brenda afatit ligjor Gjykata Administrative i hodhi si të pabazuara të gjitha paditë e Koalicionit Fronti Europian dhe i vërtetoi Aktvendimet e KSHZ-së për anulimin e votimit, KSHZ-ja i miratoi Aktvendimet për përsëritjen e votimit në Njësinë Zgjedhore 5 në VV 1470/1, VV 1470 në Komunën e Dollnenit, VV 1194 dhe VV 1202 në Komunën e Krushevës, VV 1844 në Komunën e Strugës dhe VV 1272 në Komunën e Ohrit, në pajtim me nenin 151 paragrafi 3 të Kodit Zgjedhor dhe Aktvendimin për përsëritjen e votimit në Njësinë Zgjedhore 6, VV 2101 në Komunën Zhelinës, në përputhje me nenin 151 paragrafi 3 të Kodit Zgjedhor.

Në përputhje me këtë, KSHZ-ja miratoi Aktvendime për shkarkimin e këshillave zgjedhorë që kanë realizuar votimin në këto vendvotime.
Në seancë, KSHZ-ja njoftoi se të gjithë personat të sëmurë dhe të pafuqishëm që janë të paraqitur më parë do të mund të votojnë më 21 maj 2024.
Njëkohësisht, KSHZ-ja informoi se heshtja zgjedhore fillon më datë 20 maj 2024, në ora 00:00.

Aktet e miratuara në këtë seancë do të publikohen në ueb faqen zyrtare të Komisionit Shtetëror të Zgjedhjeve.

KOMISIONI SHTETËROR I ZGJEDHJEVE

Në seancën e Komisionit Shtetëror të Zgjedhjeve, bazuar në procesverbalet origjinale për përmbledhjen dhe vërtetimin e rezultateve të dërguara nga këshillat zgjedhorë dhe komisionet komunale zgjedhore, KSHZ konstatoi që nga numri total prej 1.814.317 votues të regjistruar në Listën Zgjedhore, gjithsej kanë votuar 905.971 qytetarë, përkatësisht 49.9 %. Në rrethin e parë të Zgjedhjeve Presidenciale 2024, numri i fletëvotimeve të papërdorura është 908.384, numri i fletëvotimeve të vlefshme është 881.376, ndërsа numri i fletëvotimeve të pavlefshme është 24.562.

KSHZ informoi që ka vepruar lidhur me kundërshtimet e dorëzuara e që janë në lidhje me procedurën për votim. Kundërshtimet e pranuara kanë të bëjnë me regjistrim në Listën Zgjedhore në ditën e zgjedhjeve. Nga ana tjetër, KSHZ ka refuzuar një pjesë të kundërshtimeve për disa shkaqe: ndryshim i vendbanimit, heqje e aftësisë për veprim, dokumente të pavlefshme për identifikim, persona që nuk kanë pasur vendbanim të përhershëm dhe janë të regjistruar në ekstraktet e posaçme të Listës Zgjedhore. Ato kundërshtime që nuk janë dorëzuar në mënyrë të rregullt, KSHZ i hodhi poshtë.

KSHZ-ja në votimin për listat për kandidat për President të Republikës së Maqedonisë së Veriut, në afatin e përcaktuar me ligj i publikoi rezultatet e para si më poshtë:
Stevo Pendarovski: 180500.
Gordana Siljanovska-Davkova: 363086.
Stevço Jakimovski: 8121.
Бујар Bujar Osmani: 121088.
Biljana Vankovska-Cvetkovska: 41331.
Arben Taravari: 83393.
Maksim Dimitrievski: 83856.

Parashtruesit e listave të kandidatëve kanë të drejtë të parashtrojnë kundërshtim në KSHZ lidhur me procedurën e votimi, në afat prej 48 orësh pas përfundimit të votimit, ndërsa kundërshtimet që janë në lidhje me procedurën e përmbledhjes dhe vërtetimit të rezultateve parashtrohen në afat prej 48 orësh nga shpallja e rezultateve të para.

Afati për parashtrim të kundërshtimeve në procedurën për votim skadon më 26 prill 2024 (e premte, në orën 19:00), kurse afati për parashtrim të kundërshtimeve që kanë të bëjnë me procedurën e përmbledhjes dhe vërtetimit të rezultateve skadon më 27 prill 2024 (e shtunë, në orën 19:00).

KSHZ e ka për detyrë që në afat prej 72 orësh nga parashtrimi i kundërshtimit të miratojë vendim.

Kundër vendimit të KSHZ-së, parashtruesi i kundërshtimit mund të paraqesë padi në Gjykatën Administrative në afat prej 24 orësh nga pranimi i aktvendimit, ndërsa Gjykata Administrative vendos në afat prej 48 orësh nga parashtrimi i padi.

KSHZ-ja rezultatet përfundimtare nga zgjedhjet i publikon menjëherë, ndërkaq më së voni në afat prej 24 orësh nga dita e vërtetimit të tyre.

Gjithashtu, KSHZ informoi që gjatë ditës ka pasur ndërprerje në tre vendvotime, edhe atë vendvotimet nr. 1075, 1100, 1090 në Kumanovë, ashtu që për shkak se ndërprerja ka zgjatur më tepër se 3 orë, KSHZ-ja në pajtim me neni 151 paragrafi (1) alineja 3 e Kodit Zgjedhor, me aktvendim e anulon votimin në vendvotimin konkret, mirëpo për shkakun që numri i përgjithshëm i votuesve të regjistruar në këto vendvotime nuk ndikon në rezultatet e përgjithshme, votimi nuk do të përsëritet.

Gjithashtu, për arsye se në pajtim me nenin 151 paragrafi (1) alineja 1, këshillat zgjedhorë nuk e kanë zbatuar votimin në mënyrën e përcaktuar me këtë kod, ndërsa parregullsitë kanë ndikuar në procedurën për votim apo procedurën për përmbledhjen dhe vërtetimin e rezultateve, KSHZ-ja me aktvendim e anulon votimin në vendvotimin konkret, ndërsa nga shqyrtimi në procesverbalet prej këtyre tre VV-ve është konstatuar që KZ-të nuk kanë vepruar në pajtim me udhëzimet e KSHZ-së dhe ato janë shkarkuar.

Përveç kësaj, angazhohet shërbimi profesional i KSHZ-të të përcaktojë nëse ka bazë për të vepruar edhe sipas nenit 177b të Kodit Zgjedhor, në lidhje me konstatimin e përgjegjësisë së anëtarëve dhe zëvendësve të tyre në këta këshilla zgjedhorë.

Në fakt, ky është mesazhi i përgjithshëm i KSHZ-së për rrethin e dytë të zgjedhjeve, veçanërisht për shkak të faktit që nga KSHZ-ja janë siguruar udhëzues, trajnime dhe të gjitha kushtet e nevojshme për punë të objektive, profesionale të KZ-ve dhe si rrjedhojë e kësaj, KSHZ nuk do të tolerojë punë të parregullt dhe të paligjshme.

Duke e pasur parasysh që më 8 maj 2024 do të zbatohen dy lloje zgjedhjesh dhe për atë shkak do të nevojitet përkushtim dhe profesionalizëm maksimal i këshillave zgjedhorë, për punë më efikase dhe në interes të ligjshmërisë së procesit zgjedhor si dhe shmangie të gabimeve, ndërsa me qëllim të përmirësohet organizimi i KZ-ve, në votimin më 8 maj 2024, KSHZ ka vendosur që KZ-të ta zbatojnë votimin me shtatë anëtarë ose zëvendës nga KZ, edhe atë:

1. Person që e bën identifikimin e votuesve (letërnjoftim ose dokument udhëtimi),
2. Person që punon me PIBV, ndërsa i cili së pari e ka për detyrë të pyet për cilin lloj zgjedhjesh qytetarët dëshirojnë të votojnë, nëse votojnë për zgjedhjet parlamentare ose presidenciale, apo për të dy llojet e zgjedhjeve dhe këtë në mënyrën përkatëse ta evidentojë në PIBV, me çka do të ceket se qytetarët pastaj NUK do të mund sërish gjatë ditës të vijnë në vendvotim për të votuar për atë lloj zgjedhjesh për të cilat nuk kanë votuar dhe paraprakisht nuk e kanë shfrytëzuar të drejtën e caktuar për zgjedhje.
3. Person që punon vetëm me LZ-në për Zgjedhjet Presidenciale dhe do ta kontrollojë nënshkrimin e votuesve në LZ
4. Person që punon vetëm me LZ-në për Zgjedhjet Parlamentare dhe do ta kontrollojë nënshkrimin e votuesve në LZ
5. Person që do të jetë i angazhuar vetëm për fletëvotimet për zgjedhjet Presidenciale, do t’i ndajë ato dhe do të vë vulën në to
6. Person që do të jetë i angazhuar vetëm për fletëvotimet për zgjedhjet Parlamentare, do t’i ndajë ato dhe do të vë vulën në to
7. Person që do të jetë përgjegjës për kontrollimin, përkatësisht për të siguruar fshehtësinë e votimit mbrapa paravanit dhe kutisë së votimit, përkatësisht futjen e drejtë të fletëvotimeve në kutinë e votimit.

KSHZ u bëri apel KZ-ve dhe KKZ-ve të vazhdojnë t’i respektojnë ligjet dhe Kodin Zgjedhor, udhëzimet dhe rregulloret e miratuara nga KSHZ-ja, me qëllim që në mënyrë të suksesshme të zbatohen zgjedhjet dhe të gjithë doemos të marrin pjesë në trajnimet shtesë që do të zbatohen nga trajnues të certifikuar për edukimin e organeve zgjedhore.

KSHZ u shprehi mirënjohje të gjithë anëtarëve të KZ-ve dhe KKZ-ve për angazhimin dhe punën e tyre në zbatimin e rrethit të parë të Zgjedhjeve Presidenciale 2024.

KOMISIONI SHTETËROR I ZGJEDHJEVE

Në seancë, KSHZ-ja miratoi Vendimin për organizimin e transportit të materialit të votimit të besueshëm dhe jo të besueshëm për zgjedhje dhe anëtarë të KZ-së nga KKZ në VV dhe anasjelltas, me të cilin obligohet KKZ-ja përmes KZ-së të organizojë dhe zbatojë transportin e materialit të votimit të besueshëm dhe jo të besueshëm për zgjedhje dhe anëtarë të KZ-së nga KKZ në VV dhe anasjelltas, në të gjitha vendvotimet në Republikën e Maqedonisë së Veriut për dy ciklet zgjedhore.

Në të njëjtën kohë, KSHZ-ja e solli edhe Rregulloren për kriteret për caktimin e kompensimit të anëtarëve të organeve zgjedhore dhe administratës zgjedhore për zbatimin e zgjedhjeve për President të Republikës së Maqedonisë së Veriut dhe Zgjedhjeve për deputetë në Kuvendin e Republikës së Maqedonisë së Veriut. Kjo rregullore vlen për anëtarët e KKZ-së, KZ-së, punonjësit e shërbimit profesional, NJR të KSHZ-së, organet ndihmëse dhe të gjithë ekspertët e angazhuar për zbatimin e suksesshëm të zgjedhjeve. Këta të angazhuar do të marrin kompensim për angazhimin e tyre në bazë të disa kritereve dhe gradimeve, pra në bazë të përfshirjes së tyre në veprimet zgjedhore.

Përkatësisht, kompensimet përcaktohen në bazë të kompleksitetit dhe vëllimit të punës, veçanërisht duke pasur parasysh se do të realizohen dy cikle zgjedhore, të cilat padyshim kërkojnë më shumë angazhim, veprime, detyra dhe aktivitete. Po ashtu, për shumën e kompensimit në KKZ dhe KZ është marrë parasysh numri i VV -ve në KKZ, si dhe numri i votuesve të regjistruar në KZ.

Sipas asaj që është theksuar më lartë, kompensimi për KKZ do të rritet për 50% në krahasim me zgjedhjet e vitit 2021, ndërsa për KZ, kryetari i KZ-së me më pak votues do të marrë kompensim prej 16.000 denarësh për të dy llojet e zgjedhjeve, ndërsa kryetari i KZ-së me më së shumti votues do të marrë kompensim prej 24.000 denarë për të dy llojet e zgjedhjeve.

Ndërkaq, anëtarët dhe zëvendës anëtarët e KZ-së do të marrin kompensim nga 12.000 deri në 20.000 denarë për të dyja llojet e zgjedhjeve.

Duke pasur parasysh se fillon fushata zgjedhore për zgjedhjet parlamentare të vitit 2024 në Kuvendin e Republikës së Maqedonisë së Veriut, KSHZ-ja informoi se lidhja e kontratave për reklamim politik të paguar ndërmjet partive politike dhe mediave sipas nenit 76-d paragrafi (5) i Kodit Zgjedhor, duhet të jetë brenda kufijve të shumave të përcaktuara në marrëveshjet reciproke detyruese me shkrim për shpërndarjen e shumave të mjeteve ndërmjet partive politike përkatëse. Nëse, për përdorimin e reklamave politike të paguara nga partitë, tejkalohen shumat e përcaktuara në marrëveshjet me shkrim, KSHZ-ja nuk ka bazë ligjore për të paguar mjete për reklamat politike të paguara në media për pjesën e shumës që nuk parashikohet në të njëjtat marrëveshje. Aq më tepër, nëse nuk nënshkruajnë marrëveshje të ndërsjella, KSHZ-ja nuk ka bazë ligjore për të bërë ndonjë pagesë.

Kjo do të publikohet në ueb faqen e Komisionit Shtetëror të Zgjedhjeve dhe do t’u dërgohet të gjitha mediave dhe partive politike – parashtruesve të listave për zgjedhjet për deputetë në Kuvendin e Republikës së Maqedonisë së Veriut.

Po ashtu, pas kërkesave për akreditim të vëzhguesve për Zgjedhjet për President të Republikës së Maqedonisë së Veriut 2024 dhe për Zgjedhjet për deputetë në Kuvendin e Republikës së Maqedonisë së Veriut 2024 të dorëzuara nga: Shoqata për zhvillimin e komunitetit – Inovacione sociale “VAKE UP” – Shkup, Shoqata Qytetare CIVIL – Qendra e Lirisë – Shkup, Shoqata për Promovimin dhe Zhvillimin e një Shoqërie Gjithëpërfshirëse Inkluzive Kumanovë, Fondacioni Rom për Demokraci – Shkup, Euronews Albania, Agjencia e Lajmeve Reuters, Agjencia Evropiane e Fotolajmit – AEF, Al Jazeera Balkans, Zëri i Amerikës – Redaksia maqedonase, Asambleja Parlamentare e Këshillit të Evropës – komisioni ad hoc për monitorimin e zgjedhjeve presidenciale në Republikën e Maqedonisë së Veriut, Instituti Kombëtar Demokratik për Punë të Jashtme, Uashington SHBA – dega në Republikën e Maqedonisë së Veriut, Qendra për Zhvillimin e Sistemeve Zgjedhore, Reformave dhe Trajnimeve (Qendra Trajnuese) e Komisionit Qendror të Zgjedhjeve të Gjeorgjisë, Top Channel Shqipëri – dega Kosovë, OSBE/ODIHR – Zyra për Institucionet Demokratike dhe të Drejtat e Njeriut – (SHTOJCA E TRETË – vëzhgues afatshkurtër), Ambasada e Republikës së Sllovakisë në Shkup, Qendra për zhvillimin e sistemeve zgjedhore, reformat dhe trajnimet (qendra e trajnimit) e Komisionit Qendror të Zgjedhjeve të Gjeorgjisë dhe Asociacionit Evropian për Dialog dhe Demokraci – Bergen, Norvegjia, KSHZ lëshoi autorizime vëzhgimi.

Aktet e miratuara nga kjo seancë do të publikohen në faqen zyrtare të Komisionit Shtetëror të Zgjedhjeve.

KOMISIONI SHTETËROR I ZGJEDHJEVE

Në seancë, KSHZ-ja nëp afatin e përcaktuar me ligj, i përcaktoi listat e kandidatëve për Zgjedhjet për deputetë në Kuvendin e Republikës së Maqedonisë së Veriut të vitit 2024

Duke pasur parasysh se parashtruesit e përcaktuar të listave të kandidatëve duhet të veprojnë sipas udhëzimeve të KSHZ-së dhe të bëjnë korrigjime në listat në njësi të caktuara zgjedhore,  të njëjtat do të shqyrtohen dhe konfirmohen në mbledhjen e radhës së KSHZ-së.

Njëkohësisht, pas kërkesave për akreditimin e vëzhguesve për Zgjedhjet për President të Republikës së Maqedonisë së Veriut 2024 dhe për Zgjedhjet për deputetë në Kuvendin e Republikës së Maqedonisë së Veriut 2024 të dorëzuara nga: Ambasada e Republikës së Hungarisë në Republikën e Maqedonisë së Veriut, Ambasada e Mbretërisë së Holandës në Shkup, Shërbimi Shqip i Zërit të Amerikës, Zyra e OSBE-së/ODIHR Zyrat për Institucione Demokratike dhe të Drejtat e Njeriut dhe Ambasada e Malit të Zi në Republikën e Maqedonisë së Veriut, KSHZ-ja lëshoi autorizime për vëzhgim.

Në seancë, KSHZ-ja, në pajtim me nenin 93 dhe nenin 95 të Kodit Zgjedhor, përcaktoi pamjen dhe përmbajtjen e fletëvotimit për Zgjedhjet për President të Republikës së Maqedonisë së Veriut 2024, ndërsa mbrojtjet e fshehta në mënyrë të veçantë të fletëvotimit u përcaktuan në pjesën e mbyllur të seancës.

KOMISIONI SHTETËROR I ZGJEDHJEVE

Në seancë, KSHZ i miratoi ndryshimet dhe plotësimet e kalendarëve të afateve për realizimin e veprimeve zgjedhore për zbatimin e Zgjedhjeve për President të Republikës së Maqedonisë së Veriut 2024 dhe Zgjedhjet për deputetë në Kuvendin e Republikës së Maqedonisë së Veriut, duke i pasur parasysh ndryshimet dhe plotësimet e Kodit Zgjedhor që janë në lidhje me fushatën zgjedhore, dërgimin e raporteve me formular për donacione të fituara në llogarinë e transaksionit për fushatë zgjedhore, dërgimin e raporteve me formular për donacione të fituara në llogarinë e transaksionit për fushatë zgjedhore, të përcaktuar nga ministri i financave, në të cilat përfshihen të gjitha të dhënat e nevojshme, institucionet tek të cilat dërgohen raportet, si dhe të gjitha aktivitetet tjera lidhur me fushatën zgjedhore.

Përkatësisht, nga momenti i vërtetimi të listave të kandidatëve, për dy ciklet zgjedhore (presidenciale dhe parlamentare) e deri në fillim të fushatës zgjedhore nuk lejohet të shpenzohen mjete nga llogaria e transaksionit, e cila është e dedikuar për fushatë zgjedhore. Gjithashtu, kandidatët kanë të drejtë të organizojnë nga një ngjarje publike për promovim të listave të tyre të vërtetuara me kandidatët dhe të programeve zgjedhore.

Pastaj, KSHZ e miratoi Vendimin për publikimin e përshkrimeve të vendvotimeve, për të cilat shërbimi profesional, pas publikimit të tyre në ueb faqen e Komisionit Shtetëror të Zgjedhjeve me komunikatë nëpërmjet mediave elektronike do t’i informojë qytetarët për mënyrën e publikimit të tyre.

Gjithashtu, lidhur me për akreditim të vëzhguesve për Zgjedhjet për President të Republikës së Maqedonisë së Veriut 2024 dhe Zgjedhjet për deputetë në Kuvendin e Republikës së Maqedonisë së Veriut 2024, të parashtruara nga: OSBE/ODIHR – Zyra për institucione demokratike dhe të drejtat e njeriut (për 31 person), Qendra për trajnime të vazhdueshme në zgjedhje, Moldavi (për dy persona), Ambasada e Republikës së Shqipërisë në Republikën e Maqedonisë së Veriut (për 3 persona) dhe Qendra për hulumtime sigurie (për 29 persona), KSHZ lëshoi autorizime për vëzhgim.

Në bazë të kësaj, do të lëshohet bexh për secilin vëzhgues të akredituar, i cili do të jetë i detyruar ta respektojë Kodin për Rregullat e vëzhgimit të zgjedhjeve dhe procedurës zgjedhore për vëzhguesit e huaj, të miratuar nga Komisionit Shtetëror i Zgjedhjeve.

Aktet e miratuara nga kjo seancë do të publikohen në ueb faqen e Komisionit Shtetëror të Zgjedhjeve.

KOMISIONI SHTETËROR I ZGJEDHJEVE

Në seancën e Komisionit Shtetëror të Zgjedhjeve është hedhur shorti për përcaktimin e renditjes së listave të kandidatëve për zgjedhjen e Presidentit të Republikës për vitin 2024.

Përfaqësuesit e autorizuar të parashtruesve të listave të kandidatëve sipas rendit alfabetik të emrit të kandidatit kanë tërhequr numër me të cilin është përcaktuar lista e vetme e kandidatëve:

1. Stevo Pendarovski me numër rendor 1.

2. Gordana Siljanovska – Davkova me numër rendor 2.

3. Stevço Jakimovski me numër rendor 3.

4. Bujar Osmani me numër rendor 4.

5. Biljana Vankovska – Cvetkovska me numër rendor 5.

6. Arben Taravari me numër rendor 6 dhe

7. Maksim Dimitrievski me numër rendor 7.

Sipas dispozitave të Kodit Zgjedhor, Komisioni Shtetëror i Zgjedhjeve do ta publikojë listën e vetme të caktuar të kandidatëve në Gazetën Zyrtare të Republikës së Maqedonisë së Veriut.

Në të njëjtën kohë, Komisioni Shtetëror i Zgjedhjeve ka hedhur shortin për shpërndarjen e lokacioneve të paneleve reklamuese dhe billbordeve në bazë të nenit 78-a të Kodit Zgjedhor për Zgjedhjet për President të Republikës së Maqedonisë së Veriut.

Aktet e miratuara nga kjo seancë do të publikohen në faqen zyrtare të Komisionit Shtetëror të Zgjedhjeve.

KOMISIONI SHTETËROR I ZGJEDHJEVE

Në seancën e Komisionit Shtetëror të Zgjedhjeve u miratua Aktvendimi për ndryshimin dhe plotësimin e Aktvendimit për regjistrin e radiodifuzerëve, medieve të shkruara dhe medieve elektronike (portaleve të internetit) për zgjedhjet për President të Republikës së Maqedonisë së Veriut nr. 09-696/1 më datë 29.2.2024 dhe Aktvendimi për ndryshimin dhe plotësimin e Aktvendimit për regjistrin e radiodifuzerëve, medieve të shkruara dhe medieve elektronike (portaleve të internetit) për zgjedhjet për deputetë në Kuvendin e Republikës së Maqedonisë së Veriut nr. 09-698/1 më datës 29.2.2024, ku përfshihen edhe ata radiodifuzerë, televizione, stacione radiofonike dhe media elektronike (portale të internetit) të cilët kanë dorëzuar me kohë lista të korrigjuara të çmimeve brenda afatit ligjor prej 72 orësh, në përputhje me nenin 75-gj paragrafi (11) të Kodit Zgjedhor.

Njëkohësisht, Komisioni Shtetëror i Zgjedhjeve në lidhje me Udhëzimin me Metodologji për zbatimin e nenit 21 paragrafi (2), (3) dhe (4) të Kodit Zgjedhor për zgjedhjen e kryetarit, anëtarëve dhe zëvendësve të tyre në Komisionet komunale zgjedhore dhe Komisioni zgjedhor i Qytetit të Shkupit, të miratuar në seancën e 85-të të Komisionit Shtetëror të Zgjedhjeve, të mbajtur më 6 dhe 7 mars 2024, në pjesën nëse parasysh do të merret popullsia rezidente apo jorezidente gjatë zbatimit të metodologjisë, dhe me rastin e vendimit të Gjykatës së Lartë Administrative, informoi se për zbatimin e nenit 21 paragrafi (2) të Kodit Zgjedhor, në komunat në të cilat jetojnë së paku 20% e qytetarëve që bëjnë pjesë në komunitetet e tjera, ku reflektohet parimi i përfaqësimit adekuat dhe të drejtë të të gjitha komuniteteve, zgjedhja do të bëhen sipas përkatësisë etnike sipas Regjistrimit të popullsisë nga viti 2021, duke marrë parasysh popullsinë rezidente.

Gjithashtu, Komisioni Shtetëror i Zgjedhjeve bëri me dije se sipas dispozitës kalimtare të ndryshimeve në Kodin Zgjedhor e cila do të zbatohet vetëm për zgjedhjet e vitit 2024, zgjedhësit do të mund të votojnë me letërnjoftim ose dokument udhëtimi të cilit i ka skaduar afati në periudhë prej 9 muajsh deri në ditën e mbajtjes së zgjedhjeve.

Respektivisht, në Zgjedhjet Presidenciale do të mund të votojnë shtetasit të cilëve u ka skaduar dokumenti personale për çfarëdo arsye (me ligj ose për shkak të afatit) nga data 24 korrik 2023 deri në ditën e zgjedhjeve, 24 prill 2024, ndërsa për zgjedhjet për deputetë të Kuvendit, do të mund të votojnë shtetasit të cilëve u ka skaduar dokumenti personal për çfarëdo arsye (me ligj ose për shkak të afatit) nga data 8 gusht 2023 deri në ditën e zgjedhjeve, 8 maj 2024.

Aktet e miratuara nga kjo seancë do të publikohen në faqen zyrtare të Komisionit Shtetëror të Zgjedhjeve.

KOMISIONI SHTETËROR I ZGJEDHJEVE

Komisioni Shtetëror i Zgjedhjeve, në mbledhjen nr. 83, të mbajtur më 27 shkurt 2024 e miratoi Thirrjen publike me të cilën i njofton të gjithë qytetarët e Republikës së Maqedonisë së Veriut që shikimi publik në të dhënat publike në Listën Zgjedhore do të fillojë më 28 shkurt 2024 dhe do të zgjasë deri më 18 mars 2024, në orën 24:00.

U bëhet thirrje të gjithë qytetarëve të interesuar të Republikës së Maqedonisë së Veriut, të cilët dëshirojnë t’i kontrollojnë të dhënat e tyre në listën zgjedhore, këtë ta bëjnë në mënyrë elektronike në ueb faqen zyrtare të Komisionit Shtetëror të Zgjedhjeve dhe personalisht në seksionet dhe zyrat rajonale të Komisionit Shtetëror të Zgjedhjeve, të cilat do të punojnë çdo ditë në periudhën prej orës 08:00 deri në orën 20:00 e të cilat gjenden në hapësirat e komunave, gjë që është publikuar në ueb faqen e Komisionit Shtetëror të Zgjedhjeve.

Për atë qëllim, Komisioni Shtetëror i Zgjedhjeve e miratoi edhe Udhëzimin për zbatim të shikimit publik në Listën Zgjedhore për Zgjedhjet presidenciale 2024 dhe për Zgjedhjet parlamentare 2024.

Gjithashtu, Komisioni miratoi Vendim në lidhje me Kërkesën për miratim të vendimit në pajtim me nenin 48 paragrafi (1) i Ligjit për Qeverinë e Republikës së Maqedonisë, të parashtruar nga Ministria për Punë dhe Politikë Sociale, me të cilin refuzohet Kërkesa, duke e pasur parasysh që nuk i plotëson kushtet e përcaktuara me ligj sipas nenit përkatëse, për veprim nën kompetencë të Komisionit Shtetëror të Zgjedhjeve, duke e pasur parasysh se nuk në lidhje me çështje juridike, financiare dhe për të punësuarit, çështje e cila ndërlidhet me organizimin e zgjedhjeve dhe është në lidhje me punën e rregullt të institucionit.

Gjithashtu, Komisioni Shtetëror i Zgjedhjeve e miratoi Udhëzimin për vëzhgim të zgjedhjeve dhe procedurës zgjedhore, që ka për qëllim të ofrohen udhëzime për mënyrën e akreditimit të vëzhguesve të zgjedhjeve dhe zbatimin e vëzhgimit të zgjedhjeve dhe procedurës zgjedhore nga vëzhguesit e akredituar. Kërkesë për të fituar cilësinë e vëzhguesve mund të parashtrojnë: shoqatat vendase dhe organizatat e huaja, organizatat ndërkombëtare dhe përfaqësues të vendeve të huaja.

Si rrjedhojë e aktit të lartpërmendur, Komisioni e miratoi edhe Kodin për vëzhgim të zgjedhjeve për President të Republikës së Maqedonisë së Veriut që do të mbahen më 24 prill 2024 dhe vëzhgim të zgjedhjeve për deputetë në Kuvendin e Republikës së Maqedonisë së Veriut 2024 që do të mbahen më 8 maj 2024 dhe procedurën për kryerjen e misionit vëzhgues të vëzhguesve të akredituar, ndërsa në funksion të përmirësimit të integritetit dhe transparencës së procesit zgjedhor.

Për qëllim të zbatimit të një procesi legjitim dhe transparent zgjedhor, Komisioni Shtetëror i Zgjedhjeve miratoi Konkluzion me të cilin vazhdojnë të vlejnë rregulloret e cekura më poshtë, ndërsa të cilat janë me rëndësi të jashtëzakonshme për të gjithë organet zgjedhore për të cilët do të mbahet edukim i detyrueshëm, ndërsa janë me rëndësi edhe për pjesëmarrësit në zgjedhjet, votuesit dhe mediat:

– Udhëzimi për fletat e vlefshme dhe të pavlefshme, nr. 10-689/1 nga 3.3.2020;

– Udhëzimi për shpërndarjen e panove dhe bilbordeve për reklamim nëpërmjet tërheqjes së shortit (në pajtim me nenin 78-a të Kodit Zgjedhor), nr. 10-691/1 nga 3.3.2020;

– Udhëzimi për paraqitje dhe votim të personave të pafuqishëm ose personave të sëmurë, nr. 11-1764/1 nga 25.8.2021;

– Udhëzim për votim të personave që janë në paraburgim shtëpiak (neni 113 i Kodit Zgjedhor), nr. 10-694/1 nga 3.3.2020;

– Udhëzim për votim të votuesve, të cilët janë anëtarë të këshillave zgjedhorë që e zbatojnë votimin në përfaqësitë diplomatike konsullore, përkatësisht në zyrat konsullore (neni 113-b i Kodit Zgjedhor) nr. 10-690/1 nga 3.3.2020;

– Udhëzim për mënyrën dhe procedurën për vendosje lidhur me kundërshtimet në kompetencë të Komisionit Shtetëror të Zgjedhjeve nr. 11-2486/1 nga 10.10.2021;

– Udhëzim për mënyrën dhe procedurën për paraqitje dhe votim në institucione të veçanta për kujdes jashtë familjes (Shtëpi për pleq) nr. 10-783/1 nga 9.3.2020;

– Udhëzim për mënyrën dhe procedurën për vendosje lidhur me kundërshtimet në kompetencë të komisioneve komunale zgjedhore, nr. 11-2350/1 nga 1.10.2021;

– Udhëzim për komisionet komunale zgjedhore dhe Komisionin Zgjedhor të Qytetit të Shkupit, për sigurimin, ruajtjen, menaxhimin dhe distribuimin e materialit zgjedhor nr. 11-2223/1 nga 23.9.2021;

– Udhëzim për angazhim të personave nga radhët e të punësuarve në sektorët për teknologji informatike në administratën shtetërore, publike, komunale dhe administratën e Qytetit të Shkupit ose teknikë të jashtëm për TI, nr. 11-2117/1 nga 17.9.2021;

– Udhëzim për pranimin, vendosjen dhe ruajtjen PIBV-ve që gjenden në hapësirat e KSHZ-së, nr. 11-1922/1 nga 9.9.2021.

Komisioni Shtetëror i Zgjedhjeve e miratoi Planin për komunikim dhe koordinim ndërmjet organeve zgjedhore, që ka për qëllim të arrihet një bashkëpunim më efikas, më i lehtë dhe më i unifikuar ndërmjet Komisionit Shtetëror të Zgjedhjeve dhe komisioneve komunale zgjedhore gjatë përgatitjes dhe zbatimit të Zgjedhjeve për President të Republikës së Maqedonisë së Veriut dhe Zgjedhjeve për deputetë në Kuvendin e Republikës së Maqedonisë së Veriut dhe të fitohen përgjigjet e njëjta për problemet që janë shfaqur gjatë procesit të punës së tyre, përkatësisht përgjigje identike për pyetjet e njëjta.

Në pajtim me Planin aksional të Komisionit Shtetëror të Zgjedhjeve për avancimin e ndjeshmërisë gjinore, Komisioni miratoi Udhëzim për dokumente të karakterit të ndjeshëm gjinor, me të cilin vendosen rregulla për krijimin e dokumenteve me karakter të ndjeshëm gjinor në Komisionin Shtetëror të Zgjedhjeve. Nëpërmjet këtij udhëzimi promovohet inkluzivitet, respektohen dallimet dhe mbështetet barazia në komunikimet me shkrim.

Mënyra se si do të realizohet grumbullimi i sistematizuar dhe prezantimi i të dhënave të ndara sipas gjinisë në Komisionin Shtetëror të Zgjedhjeve dhe organet zgjedhore në nivel më të ulët, është përcaktuar në Udhëzimin për grumbullimin dhe prezantimin e të dhënave të ndara sipas gjinisë, që u miratua në këtë mbledhje.

Në të njëjtën kohë, Komisioni Shtetëror i Zgjedhjeve e miratoi Vendimin me të cilin përcaktohet shuma maksimale e mjeteve të nevojshme për marrjen me qira të hapësirave në pronësi private për zbatimin e votimit, në ato vendvotime ku nuk ka objekte publike, hapësira të cilat i plotësojnë kushtet ligjore për zbatimin e votimit, ndërkaq në pajtim me aktvendimet për përcaktimin e vendvotimeve në pjesën e objektit për votim.

Gjithashtu, Komisioni e miratoi Raportin vjetor për llogarinë përfundimtare të KSHZ-së për vitin 2023.

Aktet e miratuara nga kjo mbledhje do të jenë të publikuara në ueb faqen zyrtare të Komisionit Shtetëror të Zgjedhjeve.

KOMISIONI SHTETËROR I ZGJEDHJEVE

Komisioni Shtetëror i Zgjedhjeve i njofton radiodifuzerët, mediat e shtypit dhe medit elektronike (portalet e internetit), që do të sigurojnë reklamim të paguar politik për pjesëmarrësit në fushatën zgjedhore në Zgjedhjet për kryetar të komunës së Mavrovës dhe Rostushës dhe kryetar të komunës së Qendër Zhupës në vitin 2022, se janë të obliguar të regjistrohen në Komisionin Shtetëror të Zgjedhjeve, në afat prej 3 ditëve nga dita e shpalljes së zgjedhjeve.

Radiodifuzerët, mediat e shkruara dhe mediat elektronike (portalet e internetit) dorëzojnë në Komisionin Shtetëror të Zgjedhjeve “Kërkesë për regjistrim në regjistrin për radiodifuzerë, media të shtypit dhe media elektronike (portalet e internetit)”, detyrimisht të bashkangjitur në shtojcë gjendjen rrjedhëse të lëshuar nga Regjistri Qendror i Republikës së Maqedonisë së Veriut jo më të vjetër se 30 ditë.

Kërkesat për regjistrim me gjendjen rrjedhëse të bashkangjitur parashtrohen në mënyrë elektronike në adresën elektronike: [email protected] ose në arkivin e KSHZ-së në bulev.”Kirili dhe Metodi” nr.54, 1000 Shkup (jo më vonë se ora 24:00 më datë 07 shkurt 2022).

Në bazë të kërkesave të dorëzuara për regjistrim, Komisioni Shtetëror i Zgjedhjeve do të përgatisë “Regjistër të radiodifuzerëve, mediave të shtypit dhe mediave elektronike (portalet e internetit)” të cilët do të ofrojë shërbime të reklamave të paguara politike gjatë Zgjedhjeve për kryetar të komunës së Mavrovës dhe Rostushës dhe kryetar të komunës së Qendër Zhupës në vitin 2022. Regjistri me kërkesat e parashtruara dhe të pranuara për regjistrim në regjistrin për radiodifuzerë, media të shtypit dhe media elektronike (internet portalet ) do të publikohet publikisht në ueb faqen e Komisionit.

Radiodifuzerët, mediat e shtypit dhe mediat elektronike (portalet e internetit) janë të obliguar që në afat prej pesë ditësh nga dita e shpalljes së zgjedhjeve të përcaktojnë listat e çmimeve për reklamim të paguar politik për pjesëmarrësit në procesin zgjedhor (jo më vonë se data 9 shkurt ora 24:00).

Radiodifuzerët dhe mediat e shtypit në përputhje me Udhëzimin e miratuar për mënyrën dhe procedurën për konfirmimin e çmimit të arritur mesatar për reklamim të paguar politik nr.11-281/1 të datës 04.02.2022 nga Komisioni Shtetëror i Zgjedhjeve janë të obliguar që listat e çmimeve për reklamat e paguara politike për çdo media veç e veç t’i aplikojnë edhe gjatë fushatës zgjedhore dhe në këtë rast çmimi mesatar (mesatarja aritmetrike) për sekondë për një ditë të fituar sipas periudhave të ndryshme të çmimeve dhe reklamave si më poshtë: Periudha 1 – nga ora 00:00 deri në ora 08:00, Periudha 2 – nga ora 08:00 deri në ora 16:00 dhe Periudha 3 – nga ora 16:00 deri në ora 24:00 për radiodifuzerët për reklama të pagaura politike, si dhe çmimi i qirasë së hapësiës reklamuese. në median e shtypit nuk duhet të tejkalojë çmimin e përgjithshëm mesatar të reklamimit të çdo radiodifuzeri të llogaritur veçmas në pesë ciklet e fundit zgjedhore të mbajtura në nivelin gjithë territorit të shtetit, ndërsa për mediat elektronike (portalet e internetit) çmimin qirasë së hapësirës reklamuese në portalin e internetit për reklamim të paguar politik nuk duhet të tejkalojnë çmimin mesatar të reklamimit të llogaritur për pesë ciklet e fundit zgjedhore.

Për radiodifuzerët, mediat e shtypit dhe mediat elektronike (portalet e internetit) që nuk kanë marrë pjesë në të gjitha 5 ciklet e kaluara zgjedhore, çmimi për reklamim të paguar politike nuk mund të tejkalojë çmimin mesatar të reklamimit të llogaritur në pesë ciklet e fundit zgjedhore.

Komisioni Shtetëror i Zgjedhjeve është i obliguar që t’i konfirmojë dhe publikojë në ueb faqen e tij listën e çmimeve të dorëzuara me çmimet mesatare të llogaritura të verifikuara nga radiodifuzerët dhe mediat e shtypit, si dhe t’i publikojë listat e çmimeve me çmimet e verifikuara nga mediat elektronike (portalet e internetit ), në pajtim me nenin 75-gj paragrafi (3) dhe (9) të Kodit zgjedhor, në afat prej 10 ditësh nga skadimi i afatit për dorëzimin e listave të çmimeve të përcaktuara në paragrafin (3) të këtij neni.

Nëse Komisioni Shtetëror i Zgjedhjeve konstaton parregullsi në listat e çmimeve të radiodifuzerëve dhe mediave të shtypit, e njofton median përkatëse që brenda 72 orëve nga marrja e njoftimit të bëjnë korrigjimin e listës së çmimeve.

Arkiva e Komisionit Shtetëror të Zgjedhjeve do të bëjë pranimin e kërkesave për regjistrim në Regjistrin për radiodifuzerë, media të shtypit dhe media elektronike (internet portale) më datë 06.02.2022 (e diel), nga ora 10:00 deri në orën 18:00..

KOMISIONI SHTETËROR I ZGJEDHJEVE

Njoftim për regjistrim dhe dorëzim të listave të çmimeve të mediave për reklamim të paguar politik