Страница 20 – Државна Изборна Комисија

Одлука за формирање на работна група за ИКТ Стратегија и Стратегија за сајбер безбедност

Одлука за формирање на работна група за изготвување на ИКТ Стратегија на Државната изборна комисија, 2021-2023 година и Стратегија за сајбер безбедност на Државната изборна комисија

15/02/2021/by katerina

Новости, Последни објави, Соопштенија

Соопштение од втората седница на Државната изборна комисија

Државната изборна комисија на ден 10 февруари 2021 година, со почеток во 13:00 часот ја одржа втората седница, во која присуствуваа Претседателот на ДИК, Александар Даштевски, Потпретседателката на ДИК, Дитмире Шеху, членовите на ДИК, Радица Ристеска, Борис Кондарко, Оливер Ристовски, Бобан Стојаноски и Кренар Лога.

На седницата се расправаше по следните точки од дневниот ред:

Разгледување и усвојување на записникот од 1-та седнца на ДИК;
Предлог-Одлука за формирање на работна група за изготвување на ИКТ Стратегија на Државната изборна комисија за 2021-2023 година, и
Разно.

Записникот од 1-та седница на ДИК и Одлуката за формирање на работна група за изготвување на ИКТ Стратегија на Државната изборна комисија за 2021-2023 година, беа усвоени едногласно од Комисијата.

Под точката Разно, Комисијата, дискутираше за ажурирањето на Избирачкиот список, односноза објавувањето на последна состојба на Избирачкиот список, четри пати годишно, како обврска која произлегува од Изборниот законик и потребата за информирање на јавноста преку кампања за проверка на податоците во истиот.

Исто така беше дискутирано и за барањето на ДИК до Министерството за финансии за дообезбедување на средства за набавка на фингерпринт апарати.

Документите од точките 1 и 2 од дневниот се објавени на веб страницата на ДИК www.sec.mk додека детални информации за седницата можат да се најдат на следниот линк: https://www.youtube.com/watch?v=vdJjqrg-m4A

ДРЖАВНА ИЗБОРНА КОМИСИЈА

10/02/2021/by katerina

Новости, Последни објави, Соопштенија

Соопштение

Со презентација по повод 15 годишнината од формирањето на Државната изборна комисија како професионално тело, ДИК денеска (4 февруари) го прослави Глобалниот ден на изборите.

На прославата беа поканети и досегашните претседатели и потпретседатели на ДИК.

Настанот го отвори претседателот на ДИК, Александар Даштевски, кој во своето пригодно обраќање ја истакна важноста на правото на глас како едно од основните човекови права. Тој ја потврди заложбата на ДИК да подготвува, организира и спроведува избори според стандарди и процедури кои обезбедуваат рамноправни услови за сите учесници во изборите и општо, еднакво, слободно и тајно право на глас за секој гласач.

Свои изјави дадоа и поранешните претседатели на Комисијата, Александар Новаковски и Оливер Деркоски, како и поранешниот потпретседател Реџеп Прекопуца. Тие ја нагласија важноста на Државната изборна комисија и нејзините надлежности, напредокот кој ДИК го постигнала во изминатите 15 години, и изразија поддршка за проектите кои продолжува да ги спроведува актуелниот состав на Комисијата.

Државната изборна комисија како професионално тело е востановена со Изборниот законик усвоен на 29 март 2006 година. Првиот професионален состав на ДИК на чело со Јован Јосифовски како претседател е избран на 15 април 2006 година. Актуелен е шестиот професионален состав на Комисијата, избран на 12 јануари годинава.

Од своето формирање како професионално тело, ДИК спровела Парламентари избори во 2006, 2008, 2011, 2014, 2016 и 2020 година, Претседателски избори во 2009, 2014 и 2019 година, Локални избори во 2009, 2013 и 2017 година, како и Референдум на државно ниво во 2018 година.

Глобалниот ден на изборите секоја година се одбележува во првиот четврток во февруари. На овој ден изборните комисии ширум светот организираат тркалезни маси, дебати, работилници, средби со граѓани и сл. со цел да ја истакнат посветеноста на заштита на правото на глас како едно од основните човекови слободи и права.

ДРЖАВНА ИЗБОРНА КОМИСИЈА

04/02/2021/by katerina

Новости, Последни објави, Соопштенија

Соопштение од првата седница на Државната изборна комисија

Новиот состав Државната изборна комисија на ден 25 јануари 2021 година, со почеток во 13:00 часот ја одржа првата седница, во која присуствуваа Претседателот на ДИК, Александар Даштевски, Потпретседателката на ДИК, Дитмире Шеху, членовите на ДИК, Радица Ристеска, Борис Кондарко, Оливр Ристовски, Бобан Стојаноски и Кренар Лога.

На седницата се расправаше по следните точки од дневниот ред:

Разгледување и усвојување на финансиски план за распределба на средства на Државна изборна комисија за 2021 година;
Разгледување и усвојување на Годишниот план за јавни набавки во 2021 година, по буџетска програма 20;
Разгледување и усвојување на Годишниот план за јавни набавки во 2021 година, по буџетска програма 21;
Усвојување на Годишниот план за обуки за 2021 годинa ; и
Разно.

Сите точки од дневниот ред беа едногласно усвоени од страна на Комисијата.

Детални информации за седницата можат да се најдат на следниот линк:
https://www.youtube.com/watch?v=aeqkF_nWQm0

ДРЖАВНА ИЗБОРНА КОМИСИЈА

28/01/2021/by katerina

Новости, Последни објави, Соопштенија

Средба на Државната изборна комисија со Меѓународната фондација за изборни системи (ИФЕС)

На 28 јануари 2021 година Државната изборна комисија (ДИК) беше домаќин на работната средба помеѓу ДИК и највисоки претставници на ИФЕС во Република Северна Македонија.

На оваа прва работна средба помеѓу актуелниот состав на ДИК и претставниците на ИФЕС, двете страни се согласија досегашната плодна соработка да продолжи и понатаму, во насока на зајакнување на капацитетите на изборната администрација и подготовка за претстојните локални избори.

28/01/2021/by Beti Gjorgjieska

Новости, Последни објави, Соопштенија

Соопштение

Денеска во салата за седници на ДИК, беше одржан првиот состанок на новиот состав на Државната изборна комисија. Новиот состав на ДИК, предводен од Претседателот, Александар Даштевски, Потпретседателката, Дитмире Шеху, членовите, Радица Ристеска, Борис Кондарко, Оливер Ристовски, Бобан Стојаноски и Кренар Лога, разговараа за работата на ДИК и за предизвиците за претстојните локални избори. Воедно, Државната изборна комисија им се заблагодарува за нивната работа во Комисијата, на претходниот Претседател на ДИК, Оливер Деркоски и членовите, Елизабета Постоловска, Јанаќе Витановски и Енвер Салихи.