Државната изборна комисија ги известува радиодифузерите, печатените медиуми и електронските медиуми (интернет портали), кои ќе обезбедуваат платено политичко рекламирање за учесниците во изборната кампања за Избори за членови на советите на општините и советот на градот Скопје и за градоначалници на општините и за градоначалник на градот Скопје во 2025 година, дека се должни да се регистрираат во Државната изборна комисија, во рок од 3 дена од денот на распишување на изборите.

Радиодифузерите, печатените медиуми и електронските медиуми (интернет портали) доставуваат „Барање за упис во регистар на радиодифузери, печатени медиуми и електронски медиуми (интернет портали) за Избори за членови на советите на општините и советот на градот Скопје и за градоначалници на општините и за градоначалник на градот Скопје во 2025 година“ до Државната изборна комисија, задолжително со прилог тековна состојба издадена од Централен регистар на Република Северна Македонија, не постара од 30 дена.

Барањата за упис со прилог тековна состојба се поднесуваат електронски на следната електронска адреса: [email protected] или во архивата на ДИК на бул.„Св. Кирил и Методиј“ бр.54, 1000 Скопје (најдоцна до 24:00 часот на 12 август 2025 година).

Врз основа на поднесените барања за упис, Државната изборна комисија ќе изготви „Регистар на радиодифузери, печатени медиуми и електронски медиуми (интернет портали) за Избори за членови на советите на општините и советот на градот Скопје и за градоначалници на општините и за градоначалник на градот Скопје во2025 година“ кои ќе даваат услуги на платено политичко рекламирање за време на Избори за членови на советите на општините и советот на градот Скопје и за градоначалници на општините и за градоначалник на градот Скопје во2025 година. Регистарот со уредно поднесени и прифатени барања за упис во регистар на радиодифузери, печатени медиуми и електронски медиуми (интернет портали) за Избори за членови на советите на општините и советот на градот Скопје и за градоначалници на општините и за градоначалник на градот Скопје во2025 година ќе биде јавно објавен на интернет страната на Комисијата.

Врз основа на поднесените барања за упис, Државната изборна комисија ќе изготви „Регистар на радиодифузери, печатени медиуми и електронски медиуми (интернет портали) за Избори за членови на советите на општините и советот на градот Скопје и за градоначалници на општините и за градоначалник на градот Скопје во2025 година“ кои ќе даваат услуги на платено политичко рекламирање за време на Избори за членови на советите на општините и советот на градот Скопје и за градоначалници на општините и за градоначалник на градот Скопје во 2025 година. Регистарот со уредно поднесени и прифатени барања за упис во регистар на радиодифузери, печатени медиуми и електронски медиуми (интернет портали) за Избори за членови на советите на општините и советот на градот Скопје и за градоначалници на општините и за градоначалник на градот Скопје во 2025 година ќе биде јавно објавен на интернет страната на Комисијата.

Радиодифузерите, печатените медиуми и електронските медиуми (интернет порталите) се должни во рок од пет дена од денот на распишувањето на изборите да утврдат ценовници за платено политичко рекламирање на учесниците во изборниот процес (најдоцна на 14 август 2025 година до 24:00 часот).

Радиодифузерите и печатените медиуми се должни ценовниците за секој медиум одделно за платено политичко рекламирање да ги применуваат и за време на изборната кампања и притоа просечната цена (аритметичка средина) по секунда за едно деноноќие добиена според различните ценовно-рекламни временски периоди и тоа: Период 1 – од 00:00 до 08:00 часот, Период 2 – од 08:00 до 16:00 часот и Период 3 – од 16:00 до 24:00 часот кај радиодифузерите за платено политичко рекламирање, како и цената за закуп на рекламен простор во печатениот медиум да не ја надминува вкупната просечна цена на рекламирање на секој радиодифузер одделно пресметана во последните пет изминати изборни циклуси одржани на ниво на цела територија на државата и тоа за Изборите за Претседател на Република Северна Македонија во 2024 година, Изборите за пратеници во Собранието на Република Северна Македонија 2024 година, Изборите за членови на советите на општините и советот на градот Скопје и за градоначалници на општините и за градоначалник на градот Скопје во 2021 година, Предвремени избори за пратеници во Собранието на Република Северна Македонија во 2020 година и Изборите за Претседател на Република Северна Македонија во 2019 година, а за електронските медиуми (интернет порталите) цената за закуп на рекламен простор на интернет порталот за платено политичко рекламирање да не ја надминува просечната цена за рекламирање пресметана, за последните пет изминати изборни циклуси.

За Радиодифузерите, печатените медиуми и електронските медиуми (интернет порталите) кои не учествувале на сите изминати 5 изборни циклуси цената за платено политичко рекламирање не може да ја надминува просечната цена на рекламирање пресметана во последните пет изминати изборни циклуси согласно Упатство за начинот и постапката за потврдување на просечно постигнатата цена за платено политичко рекламирање за радиодифузер, печатени медиуми и електронски портали (интернет портали) кои не учествувале на последните пет изборни циклуси донесено од страна на Државната изборна комисија со бр.08-441/1 од 14.02.2024 година.

Државната изборна комисија е должна да ги потврди и објави на нејзината веб страна доставените ценовници со просечно пресметаните цени утврдено од радиодифузерите и печатените медиуми, како и да ги објави ценовниците со цените утврдени од електронските медиуми (интернет порталите), согласно член 75-ѓ став (3) и (9) од ИЗ, во рок од 10 дена од истекот на рокот за доставување на ценовниците утврдени во ставот (3) на овој член.

Доколку Државната изборна комисија утврди неправилности во ценовниците од радиодифузерите и печатените медиуми го известува соодветниот медиум да изврши корекција на ценовникот во рок од 72 часа од приемот на известувањето.

Архивата на Државната изборна комисија ќе работи на прием на барања за упис во регистарот на радиодифузери, печатени медиуми и електронски медиуми (интернет портали) на ден 12.08.2025 година (вторник), до 24:00 часот.

Напомена: Во предвид ќе се земат само доставените барања за упис во Регистарот исклучиво на горенаведената електронска пошта [email protected] или до архивата на Државната изборна комисија.

ДРЖАВНА ИЗБОРНА КОМИСИЈА

Државната изборна комисија на ден 09.08.2025 година, со почеток во 17:00 часот, ја одржа својата 128. седница во која што беа разгледани и едногласно усвоени вкупно дванаесет точки на дневен ред, поврзани со подготовките за спроведување на Локалните избори 2025 година, и тоа:

1. Роковник за изборни дејствија за претстојните локални избори;
2. Упатство за утврдување на цена за платено политичко рекламирање за медиуми кои не учествувале во последните пет изборни циклуси;
3. Упатство за реализација на средства од страна на Општинските изборни комисии;
4. Заклучок за ставање вон сила на постоечки Правилник за постапка за собирање потписи и определување на нотари;
5. Одлука за формирање на помошни тела на Комисијата за изборните активности;
6. Одлука за утврдување на трошоци за спроведување на изборите;
7. Образец за службени возила, доставен од Државната комисија за спречување на корупција;
8. Барање до Министерството за внатрешни работи за ажурирање на Избирачкиот список;
9. Известување до медиумите за регистрација за платено политичко рекламирање;
10. Заклучоци за доставување на акти до надлежни институции, вклучувајќи:
    • Барања за податоци од јавната администрација,
    • Барања до судовите за лица со деловна неспособност,
    • Известувања до локалната самоуправа за технички услови за изборите;
11. Задолжување на Општинските изборни комисии да ги започнат подготовките за изборите;
12. Информација за процесот на набљудување на Локалните избори 2025;
    Комисијата ја нагласува својата посветеност кон фер, транспарентен и законит изборен процес, и ги повикува сите вклучени страни – институции, медиуми, политички субјекти и граѓани – да дадат активен придонес кон успешно спроведување на претстојните локални избори.

ДРЖАВНА ИЗБОРНА КОМИСИЈА

Државната изборна комисија (ДИК) се приклучува кон одбележувањето на Глобалниот ден на изборите, кој традиционално се одбележува секој прв четврток во февруари. Овој ден е посветен на истакнување на значењето на изборните процеси како основа на демократијата и на унапредување на изборните стандарди низ светот.

Изборите се темел на демократијата, а сите изборни органи на соодветен начин го истакнуваат значењето на овој ден, потенцирајќи ја важноста на транспарентни, фер и кредибилни изборни процеси.

Како највисок орган за организирање и спроведување на изборите во Република Северна Македонија, ДИК во континуитет придонесува за позитивната слика и угледот на државата, зацврстувајќи ги демократските процеси преку спроведување на избори согласно домашното законодавство и највисоките меѓународни стандарди.

Годинава е изборна година, и ДИК веќе ги прави сите неопходни подготовки за спроведување на претстојните Локални избори. Во овој процес, Комисијата соработува со различни чинители, меѓу кои се државните институции, политичките партии, граѓанските организации, медиумите и меѓународните партнери, со цел обезбедување инклузивен и кредибилен изборен процес.

Во оваа прилика, ДИК им изразува благодарност на сите соработници кои со својата посветеност придонесуваат за успешното организирање на изборите. Веруваме дека натамошната коректна и професионална соработка ќе продолжи и во иднина.

ДРЖАВНА ИЗБОРНА КОМИСИЈА

Државната изборна комисија ја информира јавноста за вчерашната одржана средба на претседателот на ДИК, Борис Кондарко, со Ванеса Бордо Фланес, соработник за односи со јавноста од Амбасадата на Соединетите Американски Држави, Кели Р.Мекејлеб, политички службеник од Амбасадата на САД,  и  Ејми Коен, извршен директор на Национална асоцијација на државни изборни директори на САД.

На средбата беа разменети искуства и впечатоци од набљудувањето на претседателските избори во САД,  од страна на делегацијата на ДИК присутна на изборите во САД.

Претставниците беа информирани за тековните активности, заложби и законски надлежности на ДИК за натамошно работење и унапредување на изборните процеси. ДИК изразува благодарност за досегашната успешна соработка и за можноста за размена на искуства кои придонесуваат зајакнување на демократските стандарди.

ДРЖАВНА ИЗБОРНА КОМИСИЈА

Претседателот на Државната изборна комисија, Борис Кондарко и потпретседателот Абдуш Демири учествуваа на Презентација и дискусија за посебните извештаи за претседателските и парламентарните избори 2024 во организација на Државната комисија за спречување на корупцијата со подршка на Националниот демократски институт. Извештаите се изготвени во рамки на надлежностите и активностите на ДКСК за следење на изборите а со подршка на Меѓународната фондација за изборни системи ИФЕС, Здружението за истражувања и анализи и Националната фондација за демократија НЕД, од САД.

На настанот беа присутни претставници на АВМУ, Државниот завод за ревизија, претставници на политичките партии, невладиниот сектор и медиумите и на истиот претседателката на ДКСК Татјана Димитровска и членот Цвета Ристовска ги презентираа наодите за утврдени системски слабости и дадоа свое согледување во рамки на нивните законски овластувања за следење на состојбите при донесување и измената на законите од аспект на оценката на ризиците од корупција.

„ДИК смета дека доколку остане државното финансирање не е соодветно начинот и процедурата на исплата на медиумите да се спроведува преку ДИК бидејќи се работи за облигационо- правни односи и комерцијални договори меѓу политичките партии и приватните медиуми. Додека, за прашањето дали и во која би останало државното финансирање на политичкото рекламирање, надлежни се да одлучуваат политичките партии со консензус во Собранието“ – истакна претседателот Кондарко.

На дискусијата, претставниците на надлежните институции, секоја од аспект на своите законски ингеренции дискутираа во правец на изнаоѓање на решенија за надминување и подобрување на законската регулатива во во поглед на моделите, формата, начинот и контролата на финансирањето и зголемување на траспарентноста што понатаму треба да се земат предвид при отварање на процесот за измена на Изборниот закон од страна на работната група во Министерството за правда каде ќе се разгледуваат сите препораки од конечниот Извештај од набљудувачката мисија на ОБСЕ/ОДИХР за изборите 2024.

ДРЖАВНА ИЗБОРНА КОМИСИЈА

Денес, Државната изборна комисија ја одржа 113 та седница на која беа усвоени Записниците од 108- ма, 109 -та, 110 – та и 112 -та седница на ДИК. На седницата беше изгласана и Одлуката за определување на овластени потписници на сметката на Државната изборна комисија. Оваа Одлука следи после усогласување на Државната изборна комисија согласно Изборниот закон и според истата новиот претседател и потпретседател на ДИК се овластени потписници на сметката.

На денешната седница, членовите на Државната изборна комисија едногласно го усвоија и ревидираниот Годишен план за вработување за 2025 година, по добиено мислење од страна на Министерството за финансии .

ДРЖАВНА ИЗБОРНА КОМИСИЈА

Денес, Државната изборна комисија ја одржа 109–тата седница на која Комисијата го разгледа Известувањето доставено од Претседателот на Собранието на Република Северна Македонија со кое информира дека Собранието на седницата одржана на 05.07. 2024 констатира дека на избраните пратеници Синиша Стојаноски и Бобан Николовски од Коалицијата „Твоја Македонија“ предводена од ВМРО- ДПМНЕ им престанува мандатот на пратеници согласно чл. 152 од Изборниот закон.

На седницата, Комисијата информираше дека согласно чл. 153 ст.2 од Изборниот закон, ДИК со допис ги извести наредните кандидати од листите за кандидати за пратеници во Собранието на РСМ за ИЕ 1 и ИЕ 2 од Коалицијата „Твоја Македонија“ предводена од ВМРО – ДПМНЕ, Јане Мицевски и Малиша Станковиќ кои стануваат нови пратеници во Собранието на РСМ. Согласно ова, ДИК издаде уверенија за избрани пратеници во Собранието на Република Северна Македонија.

ДРЖАВНА ИЗБОРНА КОМИСИЈА

Денес, членовите на Државната изборна комисија остварија средба со амбасадорката на набљудувачката мисија на ОБСЕ-ОДИХР Џилијан Стрик, заменик шефот на мисијата, Марцел Наги и аналитичар од набљудувачкиот тим.
На состанокот и двете страни изразија задоволство од соработката за време на изборниот процес и ја потврдија потребата од интензивната меѓусебна комуникација во однос на нотирање на воочени потреби за подобрување на процесот како и конкретни препораки за следните изборни процеси.

Во рамките на завршната средба на набљудувачката мисија на ОБСЕ ОДИХР за изборите во нашата држава, присутните споделија искуства од изборниот процес со кратка анализа и предлози за понатамошните активности и можности за подобрување и развивање на изборниот процес.

Претседателот на ДИК, Проф. Др. Александар Даштевски се заблагодари на набљудувачката мисија на ОБСЕ/ОДИХР за ангажманот и поддршката што континуирано ја добива ДИК за изборите и го истакна значењето на мисијата за развој на изборниот процес и демократските вредности.

„Изборите поминаа во најдобар ред и продолжуваме со исполнување на нашите обврски. Очекувам до крај и овие денови да поминат во демократска атмосфера онака како што и го започнавне изборниот процес“ истакна претседателот Даштевски на средбата.

На средбата, амбасадорката Стрик сподели дека е привилегија да се работи на изборните активности во Македонија.
„Нашиот прелиминарен извештај даде позитивна оценка за изборниот процес со мали нерегуларности. Внимателно го следиме процесот на приговорите и истиот ќе го оценуваме според транспарентноста, навременото постапување и основаност. Нашата работа е да ги оцениме изборната постапка и процесот а не политичката страна, затоа не интересира само административниот аспект“, изјави шефицата на набљудувачката мисија на ОБСЕ/ОДИХР, Стрик.

Пред претставниците на набљудувачката мисија на ОБСЕ/ОДИХР, се обратија и потпретседателката на ДИК, Дитмире Шеху и членовите Борис Кондарко и Бобан Стојановски.

ДРЖАВНА ИЗБОРНА КОМИСИЈА

Денес, Државната изборна комисија издаде Уверение за избран Претседател на Република Северна Македонија, на Гордана Сиљановска Давкова, која според резултатите од спроведените избори за избор на Претседател на Република Северна Македонија, одржани на 24 април и 8 мај 2024 година, беше избрана за Преседател на државата.

На седницата која ја одржа Државната изборна комисија, беше усвоен Заклучокот за конечност на резултатите од гласањето за Избор на Претседател на Република Северна Македонија, одржано на 8 мај 2024 година.

Државната изборна комисија утврди дека вкупниот број на запишани избирачи за претседателските избори кои биле запишани во Избирачкиот список изнесува 1.814.317, вкупниот број на избирачи кои гласале бил 861.218, вкупниот број на неупотребени гласачки ливчиња 953.121, вкупниот број на важечки ливчиња 812.899, вкупниот број на неважечки ливчиња 48.289 а процентот на избирачи кои гласале е 47.47%.

На гласањето по листите за кандидат за Претседател на Република Северна Македонија, во законски утврдениот рок, по истекот на рокот определен за приговори на постапката за гласање, сумирање и утврдување на резултатите и објавените првични резултати, Државната изборна комисија ги објави и следните конечни резултати:

1. Стево Пендаровски, освоени 251.899 гласови
2. Гордана Сиљановска Давкова, освоени 561.000 гласови

За Претседател на Република Северна Македонија е избрана Гордана Сиљановска Давкова со мнозинство гласови од избирачите кои гласале.

Претседателот на ДИК, Проф.Др. Александар Даштевски и го предаде Уверението на Гордана Сиљановска Давкова и од име на Комисијата и посака успешен мандат како шеф на државата.

.

ДРЖАВНА ИЗБОРНА КОМИСИЈА