На 22 април 2021 година претставници на Државната изборна комисија учествуваа на Вториот онлајн симпозиум за младинско учество, насловен „Гласаат прв пат, но не и последен“.

Симпозиумот се одржа во организација на Асоцијацијата на изборни органи од Европа (АЦЕЕЕО) во соработка со Асоцијацијата на арапски изборни органи (АрабЕМБс). На настанот се обработуваа актуелни теми, како трендовите, предизвиците и добрите практики за младинско учество, комбинирајќи го меѓународниот компаративен пристап со конкретните искуства на земјите учеснички.

На симпозиумот кој опфаќаше 50-тина учесници од различни земји и региони, се обратија генералните секретари на АЦЕЕЕО и АрабЕМБс, истакнати универзитетски професори, претставници од изборните комисии од земји-членки на двете Асоцијации, како и претставничка од Програмата за развој на Обединетите нации (УНДП) во Киргистан.

Инклузивен пристап и мотивирање на поголемо младинското учество во сите изборни циклуси е целта на првиот „Прирачник за млади гласачи“ кој го издаде Државната изборна комисија (ДИК) во соработка Мисијата на ОБСЕ. Прирачникот претставува иницијатива за воспоставување на понепосредна и поголема двонасочна комуникација помеѓу ДИК и младите луѓе, со цел на лицата кои за прв пат гласаат да им се обезбеди полесен пристап во рамки на изборните процеси, како и соодветно информирање за нивните права, можности и законски обврски.

Главна цел на ДИК е да ги вклучи сите гласачи во изборниот процес и да ја зголеми свесноста за учеството во општествените активности – истакна потпретседателката на ДИК, Дитмире Шеху на онлајн настанот за промоција на „Прирачникот за млади гласачи“.

„ Голем акцент ставаме на младите луѓе и ќе бидеме особено среќни доколку секој од нив се вклучи во изборните и другите процеси на одлучување во земјата. Како институција веќе правиме напори овој Прирачник да го издадеме и во други форми кои се полесно достапни за младите луѓе. Исто така, во соработка со нашите партнери од Мисијата на ОБСЕ веќе организираме различни иницијални обуки базирани на Прирачникот со кои дополнително очекуваме да го покренеме интересот и знаењата поврзани со потребата од учество на избори, особено на младите генерации. “, посочи Шеху.

Со цел да помогнеме во зголемувањето на учеството на младите, Мисијата на ОБСЕ ги здружи силите со Државната изборна комисија и младинските организации, во изработката на „Прирачник за млади гласачи“, како и програма за подигање на свеста за важноста од учеството на младите во изборниот процес – рече Шефот на Мисијата на ОБСЕ во Скопје, амбасадорот Клеменс Која.

„На младите би им порачал: вашиот глас е важен. На вас е да ги внесете своите идеи, вашите грижи и приоритети и вашата енергија во политиката во оваа земја. Иако постојат и други начини да се чуе вашиот глас, како на пример на социјалните мрежи, гласањето е најефективниот начин да се направат политички промени. Особено на локално ниво имате моќ да направите вистинска разлика во управувањето со вашите заедници.“ истакна амбасадорот Која на настанот.

Директорот на Агенцијата за млади и спорт, Наумче Мојсоски посочи дека младите точно знаат во каков свет и држава сакаат да живеат, што им е потребно, каде сакаат да работат, но и колку сакаат и сметаат дека треба да заработуваат.

„Токму затоа е важно младите да се вклучат и да учествуваат во носењето на одлуки, почнувајќи од користењето на своето право на глас во рамки на изборните процеси. Гласот на младите ќе биде јасна насока какви политики ќе се креираат во однос на нив и нивната иднина. На нашето општество му се потребни младите и тоа е клучното што треба да им го кажеме – потребни сте ни вклучени, активни и влијателни.“, додаде Мојсовски.

Автори на прирачникот се Бојан Кордалов – комуниколог, во својство на независен консултант, Адмир Шабани, раководител на Секторот за едукација при ДИК, како и Нина Шуловиќ – Цветковска и Јасмина Тодоровска – Митева од Мисијата на ОБСЕ во Скопје.

Прирачникот е изработен во рамките на проектот „Поддршка на демократското управување и процесите на инклузија“ на Мисијата на ОБСЕ во Скопје кој се спроведува во соработка со Државната изборна комисија.

Линк до видео од онлајн промоцијата на „Прирачникот за млади гласачи“: https://www.facebook.com/drzavna.izborna.komisija/posts/2264515927017237

 

ДРЖАВНА ИЗБОРНА КОМИСИЈА

Државната изборна комисија  на ден 28 февруари 2021 година, ја одржа четвртата седница, на која присуствуваа Претседателот на ДИК, Александар Даштевски, Потпретседателката на ДИК, Дитмире Шеху, членовите на ДИК, Радица Ристеска, Оливер Ристовски, Бобан Стојаноски и Кренар Лога.

На седницата се расправаше по следните точки од дневниот ред:

1. Разгледување и усвојување на записникот од 3-та седнца на ДИК;
2. Разгледување и усвојување на Годишниот извештај за завршната сметка на Државната изборна комисија за 2020 година, и
3. Разно.

Записникот од 3-та седница на ДИК и Годишниот извештај за завршната сметка на Државната изборна комисија за 2020 година, беа усвоени едногласно од Комисијата.

Документите од точка 2 од дневниот се објавени на веб страницата на ДИК www.sec.mk  додека детални информации за седницата можат да се најдат на следниот линк: https://www.youtube.com/watch?v=TLKdRxIyr7E 

 

ДРЖАВНА ИЗБОРНА КОМИСИЈА

 

 

На 11 март 2021 година, Делегација на Државната изборна комисија, предводена од Претседателот на ДИК, Александар Даштевски, а составена од членовите на ДИК, г. Кренар Лога,  г. Оливер Ристовски и г. Бобан Стојановски, имаа средба со Државниот комисионер за избори на Република Албанија, г. Илирјан Целибаши.

Целта на средбата беше разменувањето на искуствата помеѓу двете институции и преземањето на конкретни чекори за соработка во иднина.

Имајќи  предвид дека ДИК се наоѓа пред предизвикот за електронско идентификување на гласачите, интересот на делегацијата беше  фокусиран во имплементацијата на овој проект од страна на ЦИК на Р.Албанија.

Делегацијата на ДИК беше запознаена со законските одредби поврзани со технологијата во изборите, процедурите и чекорите кои биле превземени од страна на ЦИК на Албанија за реализација на имплементацијата на Електронскиот систем на идентификација на гласачите, како и со демонстрација на функсионирањето на уредот за електронска идентификација.

Делегацијата на ДИК, покажа интерес и за наблудување на избори во Република Албанија, кои ќе се одржат на 25 април 2021 година.