Работилници за Општинските изборни комисии

Во рамките на подготовките за претстојните парламентарни избори, Државната изборна комисија организира и спроведува регионални работилници за општинските изборни комисии.
Целта на работилниците е секоја општинска изборна комисија да изготви план на активностите, со временска рамка, рокови, како и одговорни лица за извршување на истите.
Спроведувањето на работилниците е во тек, а заклучно со 30 септември ќе се спроведат вкупно 14 регионални работилници, и тоа  четири во Скопје, две во Штип, и по една во Струмица, Богданци, Прилеп, Битола, Охрид, Куманово, Тетово и Гостивар. Работилниците ги спроведуваат обучувачи на Државната изборна комисија.

 

/by

Делегација на ДИК на јубилејната 25-та Годишна конференција на Асоцијацијата на изборни органи од Европа

Делегација на Државната изборна комисија учествува на јубилејната 25-та Годишна конференција на Асоцијацијата на изборни органи од Европа, која се одржува во Тирана, Албанија. Тема на Конференцијата е ,,Развојот на изборните системи и процеси во последните 25 години”.

/by
,

Известување за запишување во избирачкиот список

Се известуваат граѓаните дека доколку при пребарувањето во Избирачкиот список, по ЕМБГ, по име и презиме или по адреса, НЕ СЕ ПРОНАЈДАТ во Избирачкиот список, да се проверат дали се наоѓаат во Листата на граѓани чии што записи во Избирачкиот список останале спорни, односно за кои има несовпаѓање на податоците, а кои согласно член 196-б од Изборниот законик не доставиле пријава до Државната изборна комисија.

Доколку се пронајдат во Листата, а за да го оставарат своето избирачко право на Предвремените избори за пратеници во Собранието на Република Македонија, кои ќе се одржат во декември 2016 година, ќе можат да се пријават при Државаната изборна комисија во текот на Јавниот увид во Избирачкиот список кој ќе трае 15 дена.

Државната изборна комисија најдоцна 10 дена од денот на распишувањето на изборите, Избирачкиот список ќе го стави на јавен увид во своите подрачни одделенија и месни канцеларии.

Граѓаните пријавувањето ќе можат да го направат согласно Упатството кое ќе го донесе Државната изборна комисија.

/by

Средба на ДИК со шефот на делегацијата на ЕУ, амбасадорот Жбогр

Државната изборна комисија денес оствари средба со новиот шеф на делегацијата на ЕУ во Република Македонија, амбасадорот Самуел Жбогар.
Амбасадорот Жбогар се запозна со членовите на Комисијата и ја нагласи поддршката кон работата на Државната изборна комисија и нејзините заложби за организирање и спроведување на фер и демократски избори.
Во текот на двочасовната средба, амбасадорот Жбогар беше запознат со тековните активности кои се преземаат во насока на подготовка за претстојните предвремени парламентарни избори, кои треба да се одржат на 11 декември 2016 година, како и предизвиците пред кои е исправена Државната изборна комисија.
Државната изборна комисија истакна дека, посветено и одговорно работи на остварување на своите надлежности. Во фокусот на Државната изборна комисија секогаш е избирачкото право како уставно загарантирано право и во Комисијата постои согласност дека целиот процес мора да се заврши квалитетно, со цел зајакнување на довербата во Избирачкиот список и изборите кај сите актери во процесот.

ДРЖАВНА ИЗБОРНА КОМИСИЈА

/by

Збирен месечен извештај за спроведени промени во избирачкиот список август 2016

Превземи (Збирен месечен извештај за спроведени промени во избирачкиот список за месец август 2016 година)

/by
,

Прв седмичен извештај на Агенцијата за аудио и аудиовизуелни медиумски услуги

Предмет: Прв седмичен извештај на Агенцијата

Почитувани,

Врз основа на обврските од член 76-в став 2 и член 196-в од Изборниот законик, а во согласност со Меморандумот склучен меѓу нашите институции на 04,02.2016 година, Агенцијата за аудио и аудиовизуелни медиумски услуги го доставува првиот седмичен извештај за периодот од 2 до 8 септември 2016 година.

Имајќи предвид дека според член 196-в од Изборниот законик, правилата за медиумско претставување од членовите 75, 75-а, 75-6, 75-в, 75-г, 75-д, 76-в и 76-г се применуваат 100 дена пред денот на одржување иа предвремените избори за пратеници во Собранието на Република Македонија, кои ќе се одржат во 2016 година, Агенцијата започна со мониторингот на 2 септември 2016 година… (повеќе)

/by
,

Предлог за постапување (МРТ1)_02-05.09.2016

Врз основа на член 196-г и член 196-ѓ од Изборниот законик („Службен весник на Република Македонија” бр.40/06, 136/08, 148/08, 155/08, 163/08, 44/11, 51/11, 142/12, 31/13, 34/13, 14/14, 30/14, 196/15, 35/16, 97/16, 99/16, 136/16 и 142/16), а во врска со Писмениот извештај за извршен надзор (мониторинг) на Првиот телевизиски програмски сервис на Јавното радиодифузно претпријатие МАКЕДОНСКА РАДИОТЕЈ1ЕВИЗИЈА Скопје – Македонска телевизија – Прв програмски сервис (МРТ1) бр.10-4351/1 од 07.09.2016 година, Привремената комисија за следење на медиумско претставување, доставува:

П Р Е Д Л О Г
за постапување

До Привремената комисија за следење на медиумско претставување доставен е Писмен извештај за извршен надзор (мониторинг) на Првиот телевизиски програмски сервис на Јавното радиодифузно претпријатие МАКЕДОНСКА РАДИОТЕЛЕВИЗИЈА Скопје – Македонска телевизија – Прв програмски сервис (МРТ1), бр. 10-4351/1 од 07.09.2016 година, емитуван во периодот од 2 до 5 септември 2016 година… (повеќе)

/by

Збирен месечен извештај за спроведени промени во избирачкиот список јули 2016

Превземи (Збирен месечен извештај за спроведени промени во избирачкиот список за месец јули 2016 година)

/by

Заклучоци од 48-та седница

Врз основа на член 31 од Изборниот законик (Службен весник на Република Македонија бр.40/06, 136/08, 148/08, 155/08, 163/08, 44/11, 51/11, 54/11, 142/12, 31/13, 34/13, 14/2014, 30/2014, 196/2015, 35/2016, 97/2016, 99/2016 и 136/2016), член 34 од Привремениот деловник на Државната изборна комисија а во врска со член 196-б од Законот за дополнување на Изборниот законик („Сл. весник на РМ“, бр. 136/2016 од 23.07.2016 година), Државната изборна комисија на 48-та седница одржана на 25 јули 2016 година, го донесе следниот

З А К Л У Ч О К

1. Списокот на граѓаните, за кои при административните и теренските проверки спроведени согласно Правилникот за методологија за водење и ажурирање на избирачкиот список заснована на проверки и статистички анализи, вкрстени проверки на различни бази на податоци и евиденции, неограничени теренски проверки и други соодветни признати методи на проверки, се утврдени спорни записи односно несовпаѓање на податоците за граѓаните предмет на проверки во Избирачкиот список, се објавува на веб страната на ДИК на 26.07.2016 година… (повеќе)

/by

Кодекс за набљудување на процесот за пријавување на граѓани

Врз основа на член 196-б став (5) од Изборниот законик (Службен весник на Република Македонија, бр. 40/06, 136/08, 148/08, 155/08, 163/08, 44/11, 51/11, 54/11, 142/12, 31/13, 34/13, 14/14, 30/14, 196/15, 35/16 и 136/16), Државната изборна комисија на седницата одржана на ден 25.07.2016 година донесе

К О Д Е К С
за набљудување на процесот за пријавување на граѓани чии податоци во Избирачкиот список по спроведените административни и теренски проверки се утврдени како спорни, односно за кои има несовпаѓање на податоците за граѓаните предмет на проверки во Избирачкиот список

Кодексот има за цел да ги утврди процедурите за набљудување на јавниот увид за спорните записи односно несовпаѓање на податоците за граѓаните предмет на проверки во Избирачкиот список, а во функција на транспарентноста и стекнување доверба во целиот процес… (повеќе)

/by

Пријава на лица чии што записи во Избирачкиот список по извршените вкрстени и теренски проверки останаа неконзистентни

Превземи (Пријава на лица чии што записи во Избирачкиот список по извршените вкрстени и теренски проверки останаа неконзистентни) 

/by

Упатство за постапување по поднесени пријави на граѓаните чии записи во Избирачкиот список по спроведените административни и теренски проверки се спорни записи

Согласно член 196-б од Законот за изменување и дополнување на Изборниот законик („Службен Весник на Република Македонија“, бр. 136/16 од 23.07.2016 год.) и член 31 став 2 точка 2 и точка 28-e од Изборниот законик („Службен весник на Република Македонија“, бр. 40/06, 136/08, 148/08, 155/08, 163/08, 44/11, 51/11, 54/11, 142/12, 31/13, 34/13, 14/14, 30/14, 196/15, 35/16 и 136/16), Државната изборна комисија на седницата одржана на 25.07.2016 година го донесе следното:

УПАТСТВО
за постапување по поднесени пријави на граѓаните чии записи во Избирачкиот список по спроведените административни и теренски проверки се спорни записи, односно за кои има несовпаѓање на податоците за граѓаните предмет на проверки во Избирачкиот список

Член 1
Со ова Упатство се уредува начинот на постапување по поднесени пријави на граѓаните чии записи во Избирачкиот список по спроведените административни и теренски проверки се утврдени како спорни односно за кои има несовпаѓање на податоците за граѓаните предмет на проверки во Избирачкиот список… (повеќе)

/by

Список на подрачни единици на ДИК и општини во кои ќе се спроведе пријавувањето

Превземи (Список на подрачни единици на ДИК и општини во кои ќе се спроведе пријавувањето)

/by

Одлука за отварање канцеларии на ДИК во седиштата на единиците на локалната самоуправа каде ќе се спроведува пријавувањето

Врз основа на член 196-б од Изборниот законик („Службен весник на Република Македонија“, бр. 40/06, 136/08, 148/08, 155/08, 163/08, 44/11, 51/11, 54/11, 142/12, 31/13, 34/13, 14/14, 30/14, 196/15, 35/16 и 136/16) и член 5 од Упатството за постапување по поднесени пријави на граѓаните чии записи во Избирачкиот список по спроведените административни и теренски проверки се спорни записи, односно за кои има несовпаѓање на податоците за граѓаните предмет на проверки во Избирачкиот список, Државната изборна комисија на 48-та седница одржана на 25.07.2016 година ја донесе следнава

О Д Л У К А
за отварање канцеларии на Државната изборна комисија во седиштата на единиците на локалната самоуправа каде ќе се спроведува пријавувањето

член 1

Заради пријавување на граѓаните чии записи во Избирачкиот список по спроведените административни и теренски проверки се утврдени како спорни односно за кои има несовпаѓање на податоците за граѓаните предмет на проверки во Избирачкиот список, Државната изборна комисија ќе отвори дополнителни канцеларии во седиштата на единиците на локалната самоуправа каде ќе се спроведува пријавувањето… (повеќе)

/by

Јавен повик за пријавување на граѓани чии што записи во Избирачкиот список по извршените вкрстени и теренски проверки се спорни записи

Врз основа на член 31 став 2 точка 44 и член 196-б од Изборниот законик (Службен весник на Република Македонија, бр. 40/06, 136/08, 148/08, 155/08, 163/08, 44/11, 51/11, 54/11, 142/12, 31/13, 34/13, 14/14, 30/14, 196/15, 35/16, 97/16 и 99/16), Државната изборна комисија на седницата одржана на 25-ти јули 2016 година, усвои

ЈАВЕН ПОВИК
за пријавување на граѓани чии што записи во Избирачкиот список
по извршените вкрстени и теренски проверки се спорни записи односно за кои има несовпаѓање на податоците за граѓаните предмет на проверки во Избирачкиот список

Се повикуваат сите граѓани чии што записи во Избирачкиот список по извршените вкрстени и теренски проверки се утврдени како спорни записи, односно за кои има несовпаѓање на податоците за граѓаните предмет на проверки во Избирачкиот список, во периодот од 26 јули до 19 август 2016 година да се пријават во Државната изборна комисија за да може да се запишат во Избирачкиот список… (повеќе)

/by

Збирен месечен извештај за спроведени промени во избирачкиот список јуни 2016

Превземи (Збирен месечен извештај за спроведени промени во избирачкиот список за месец јуни 2016 година)

/by
,

Презентација на компаративната анализа на улогите на изборните тела во сузбивањето на изборни неправилности

Во просториите на Државната изборна комисија денеска, 13 јули 2016 година, д-р Јасмина Димитриева одржа презентација на компаративната анализа на улогите на изборните тела во сузбивањето на изборни неправилности.

На барање на Државната изборна комисија, а во соработка со Меѓународната фондација за изборни системи (ИФЕС), беше изготвен преглед на постојните практики од 12 земји од Западен Балкан и пошироко. Овој документ ќе послужи за натамошна разработка на постапките поврзани со изборни неправилности, како и за зајакнување на капацитетите на правната служба на ДИК.

 

 

/by

Презентација на компаративната анализа на улогите на изборните тела во сузбивањето на изборни неправилности

Во просториите на Државната изборна комисија денеска, 13 јули 2016 година, д-р Јасмина Димитриева одржа презентација на компаративната анализа на улогите на изборните тела во сузбивањето на изборни неправилности.

На барање на Државната изборна комисија, а во соработка со Меѓународната фондација за изборни системи (ИФЕС), беше изготвен преглед на постојните практики од 12 земји од Западен Балкан и пошироко. Овој документ ќе послужи за натамошна разработка на постапките поврзани со изборни неправилности, како и за зајакнување на капацитетите на правната служба на ДИК.

 

 

/by

Збирен месечен извештај за спроведени промени во избирачкиот список мај 2016

Превземи (Збирен месечен извештај за спроведени промени во избирачкиот список за месец мај 2016 година)

/by

Заклучоци од седницата за евалуација на работата на ДИК

Стратешки план на Државната изборна комисија

Заклучоци:

  1. Да ce изготви анализа на исполнетосг на стратешките цели и насоки на Државната изборна комисија;
  2. Да се развие „Оперативен план на Државната изборна комисија” за наредниот период;
  3. Да се отпочне со планирање на ресурси за идните активности на Државната изборна комисија;
  4. Да со изготви Функционална анализа;
  5. Да се изготват и воспостават пишани процедури за работа ма Државната изборна комисија и Стручната служба и Електронски мснаџмент систем... (повеќе)
/by
ЛИНКОВИ

Собрание на Република Северна Македонија
Влада на Република Северна Македонија
Претседател на Република Северна Македонија
Министерство за правда
Останати линкови

КОНТАКТ

Адреса: ул. Св. Кирил и Методиј бр. 54
Телефон: +389 02 3 244 744

Е-маил: [email protected]
www: https://sec.mk

СТАРИ ВЕБ СТРАНИЦИ

Веб страна 2013-2015 година

Веб страна 2015-2021 година

Copyright © 2023 | State Election Commission

Оваа веб страница / платформа е изработена во рамките на проектот „Поддршка на изборни реформи” на Владата на Швајцарија, имплементиран од Меѓународната фондација за изборни системи (ИФЕС). Искажаните ставови, мислења и содржини во оваа веб страница / платформа не мора да ги отсликуваат ставовите на донаторот, проектот или имплементаторот.

Skip to content